سوودەکانی رێحانە بۆ مرۆڤ

ڕێحانە یەکێکە لەو گژو گیایانەی کە لە کوردستان و لە ماڵی زۆربەی هاوڵاتیاندا هەیە و گرنگی پێ دەدرێت و لە زۆر بواریشدا دەخورێت. هەندێک لە سودەکانی ڕێحانە ئەمانەن:

سوودی بۆ پێست
١_ وەک پاککەرەوە بەکاردەهێنرێت و برین لادەبات و ئازار لادەبات.
٢_ ئاسەوار و شوێنی برین لەجەستەی مرۆڤ دا دەسڕێتەوە..
٣_ ڕوخسار دەپارێزێت لەخاڵی ڕەش ، گەڵای ناسکی ڕیحانە دەخرێتە سەر پێست تا دە (10) خولەک هەفتەی سێ تا چوارجار دووبارەی بکەوە.
٤_ چارەسەری ئیلتهابی پێست دەکات چارەگە کیلۆیەک گەلای ڕیحانە لە دوو کوپ ئاوی زۆر گەرمدا لەگەڵ کەوچکێکی چێشت زەیتی کونجی تێکەڵ بکە و وازی لێ بهێنە تا بەتەواوی سارد دەبێتەوە ئینجا بیپاڵێوە و ڕۆژانە سێ جار لەڕووخسارتی بدە.
٥_ پێکهاتەی دژە ئۆکسانی زۆر بەهێزی تیدایه کە هەمیشه ڕوخسار بەگەنجی دەهێڵێتەوە ، گەلای ناسکی ڕیحان بکوتە و وەک کرێم لەڕوخسارتی بدە ، دوای نیو کاتژمێر بیشۆرەوە هەفتەی سێ جار دووبارەی بکەوە.
٦_ کونیلەی ووردی پێست پاک دەکاتەوە و پڕی دەکاتەوە (گەڵای ناسکی ڕیحان لەگەڵ سپێنەی هێلکە تێکەڵ بکە و لەڕوخسارتی بدە و دووای نیو کاتژمێر بیشۆ.
٧_ شوێنی پێوەدانی مێش و مێشولە باش دەکات ، کاتێک لەناو باخ و گژو گیاییت گەلای ڕیحانە لەو بەشانەی جسمت بخشێنە کە بەدیارەوەن بۆ ئەوەی بیپارێزی لە پێوەدان.
٨_ زیپکەی گەنجی چارە دەکات ، گەلای ڕیان لەڕووخسارتان بدەن بۆ نەهێشتنی زیپکەی گەنجی.
٩_ چارەسەری چرچی پێست دەکات ، هەفتەی سێ تا چوار جار گەلای ڕیحان بکوتە و بیخە سەر ڕوخسارت تا نیو کاتژمێر.

سودی رێحان بۆ قژ
١٠_ چارەسەری خورانی پێستی سەر دەکات ، گەلای ڕیحان بەتەڕی بکوتە و لە پێستی سەرتی بدە دوای کاتژمێرێک بیشۆ ، لەشەو و ڕۆژێکدا دووجار بیکە بە ماوەیەکی کەم چارەسەری دەکات.
١١_ قژ لەهەڵوەرین دەپارێزێت.
١٢ _ چارەسەری کڕێش و ووشکی سەر دەکات، بە بەکارهێنانی زەیتی ڕیحانە لەگەڵ زەیتی گوێزی هیندی.

سودی بۆ تەندروستی
١_ چارەسەری کێشەکانی میزڵدان دەکات ، بەخواردنی گەلای ڕیحان وەک سەوزە.
٢_ چارەسەری ژانەسەر دەکات ، گەلای ڕیحان بکوڵێنە و هەڵمی پێ بکە.
٣_ چارەسەری تــــــــــا دەکات ، هەموو دوو سەعات جارێک چای گەلای ڕیحان بخۆ.
٤_ تەندرووستی چاو دەپارێزێت، بەهۆی ڕێژەی زۆری ڤیتامین A کە تێیدایه، خواردن و بۆن کردن و خستنە سەر چاو ، بۆ چاو باشه.
٥_ بۆنی ناخۆشی دەم ناهێڵێت ، دەتوانم بڵێم 99٪ بەکتریا و میکرۆبی ناو دەم دەکوژێت ، ڕۆژانە چەند جارێک گەلای ڕیحان بجوون.
٦_ یاریدەدەرێکی باشه بۆ دابەزاندنی کێشی لەش.
٧_ بۆ تەرک کردنی جگەرە ، زۆر بۆنی ڕیحان بکەن ، بیخۆن.
٨_ گەدە ئارام دەکاتەوە کە بەهۆی خواردنی قورس ئازاری هەبووە.
٩_ کۆکه ناهێڵێت کاتێک (10) گەلای ڕیحان لەگەڵ سێ دەنک سیر لەناو دوو کوپ ئاودا گەرم بکرێن پێنج خولەک و دوواتر بپاڵێورێت و بخورێتەوە.
١٠_ دەزگای بەرگری بەهێز دەکات.
١١_ بۆنی ڕیحان دڵ ئاسوودە دەکات و قەلەقی ناهێڵێت.
١٢_ سێ مانگ بەردەوام چای ڕیحان بخورێت بەردی گورچیلە ناهێڵێت.
١٣_ دەرمانی نەخۆشیەکانی دڵه.
١٤_ چارەسەری ئیلتهابی لەوزەتێن دەکات.
١٥_ ڕشانەوە ناهێڵێت ، گەڵای ڕیحان و زەنجەفیل و هەنگوین باشترین دەرمانی ڕشانەوەیە.
١٦_ خانەکانی لەش لە خانەی شێرپەنجەیی دەپارێزێت .

كوردستانی نوێ