12/11/2019 06:26 PM

خانمان ده‌توانن به‌م چه‌ند ڕێگایه‌ ستایلی سه‌رنجڕاكێش هه‌ڵبژێرن

خانمان گه‌ر ده‌تانه‌وێت له‌سه‌ر شێوازی جه‌سته‌و ره‌نگی پێست جوانترین ستایل هه‌ڵبژێرت، ئه‌وا ده‌توانن ئه‌م چه‌ند ڕێگایه‌ سوودیان لێوه‌ربگرن.

سایتی سیدتی چه‌ند خاڵێكی بڵاوكردووه‌ته‌وه‌، تا خانمان ستایلی جوان و گونجاو به‌ خۆیان هه‌ڵبژێرن، له‌و خاڵانه‌شدا دیزاینه‌ران جه‌ختیان له‌وه‌ كردووه‌ته‌وه‌، خانمی زیره‌ك ئه‌و خانمه‌یه‌ له‌سه‌ر مۆدێلات جل ناپۆشێت، به‌ڵكو چ ستایلێك بۆ جه‌سته‌و ڕه‌نگی پێستی گونجاو بوو ئه‌وه‌ ده‌پۆشێت، تا به‌رده‌وام شیكپۆش بێت.

یه‌كه‌م/ ئه‌و خانمانه‌ی باڵایان به‌رزه‌ پێڵاوی بنبه‌رز له‌پێ مه‌كه‌ن و ته‌نوره‌ی كورت یان مامناوه‌ند بكه‌ن، ئه‌وانه‌شی باڵایان كورته‌ پێڵاوی بنبه‌رزو ته‌نوره‌ی درێژ له‌پێ بكه‌ن.

دووه‌م/ خانمانی قه‌ڵه‌و ده‌بێت جۆره‌ قوماشێك بپۆشن قورس بێت و زیاتر ساده‌ بێت جه‌سته‌یان باریك ده‌ربكه‌وێت و له‌گه‌ڵیدا كه‌مێك ئیكسسوارات به‌كاربهێنن، كچانی لاوازیش قوماشی سوك و ره‌نگی كراوه‌و نه‌خشدار.

سێیه‌م/ خانمانی پێستی ره‌نگ سپی ره‌نگی كاڵ بپۆشن، ره‌نگی ئه‌سمه‌ر یان ره‌ش ره‌نگی تۆخ بپۆشن.

چواره‌م/ خانمان ده‌بێت به‌پێی ته‌مه‌ن جل بپۆشن، بۆ گه‌نجان جلی ره‌نگاوره‌نگ و كراوه‌ گونجاوه‌، بۆ به‌ته‌مه‌نه‌كان ره‌نگی مات گونجاوه‌.

پێنجه‌م/ به‌پێی ئه‌و شوێنه‌ی بۆی ده‌چیت جلوبه‌رگ بپۆشه‌و ماكیاژ بكه‌، بۆ نموونه‌ شه‌وان ده‌چیته‌ ئاهه‌نگێك یان بۆنه‌یه‌كی تایبه‌ت ده‌توانیت ماكیاژ زۆر بكه‌یت و جلی كراوه‌و ره‌نگاوڕه‌نگ له‌به‌ربكه‌یت، به‌ڵام بۆ ده‌وام و كۆبوونه‌وه‌و دیدار ده‌بێت جلوبه‌رگی ره‌سمی و قات و قه‌میس له‌به‌ربكه‌یت. 

خاك - لانه‌ كاشان




زۆرترین خوێندراوە



created by Avesta Group and powered by Microsoft Azure

Copyright © 2015 khaktv all rights reserved