وەزارەتی پلاندانانی حکومەتی هەرێمی کوردستان لە راگەیەنراوێکدا رایگەیاندووە: دیوانی وەزارەت د.دارا ڕەشید وەزیری پلاندانانی حكومەتی هەرێمی كوردستان پێشوازیكرد لە پینكی چاودوری راوێژكاری بواری كارەبا كە بە هەماهەنگی وەزارەتی پلاندانان و كۆمەكی دارایی ڕێكخراوی USAID و لەژێر سەرپەرشتی ڕێكخراوی UNDP گرێبەستی لەگەڵ كراوە بۆ یارمەتیدانی وەزارەتی كارەبای حكومەتی هەرێمی كوردستان بۆ ئەنجامدانی چەند چاكسازییەك و نووسینی یاسایەكی نویێ كارەبا. لە كۆبونەوەیەكدا چۆنیەتی بەڕێوەچوونی كارەكانی پڕۆژە یاسای كارەبای كوردستان گفتوگۆی لەبارەیەوە كراو بژاردەكانی داڕشتنەوەی پێكهاتەی وەزارەتی كارەبا تاووتوێكران، هەروەك بڕیاردرا پەلەبكرێت لە ئامادەكردنی ڕەشنووسی یاسای كارەبا بۆ ئەوەی ڕەوانەی ئەنجومەنی وەزیران بكرێت تا گفتوگۆی لەسەر بكرێت. لە بەرامبەردا د.دارا ڕەشید وەزیری پلاندانان ئامادەیی وەزارەتی دەربڕی بۆ هەر یارمەتی و هاوكاریيەك كە پێویستبێت لەوبارەیەوە. خاك
created by Avesta Group and powered by Microsoft Azure