شێرپه‌نجه‌ی گه‌ده‌ چه‌ند هۆكارێكی هه‌یه‌

سه‌رچاوه‌ پزیشكییه‌كان و توێژینه‌وه‌كان ئاماژه‌ به‌وه‌ ده‌ده‌ن كه‌ چه‌ند شتێك ده‌بنه‌ هۆكار بۆ زیادبوونی مه‌ترسی توشبوون به‌ شێرپه‌نجه‌ی گه‌ده‌.

ئه‌وانيش:
1-مێژووی خێزانی: بوونی كه‌سێكی توشبوو له‌ خێزاندا, به‌تایبه‌ت كه‌سه‌ نزیكه‌كان وه‌ك دایك و باوك و خوشك و برا.

2-به‌كتریایی (H. pylori) یه‌كێكه‌ له‌ و حاڵه‌ته‌ بڵاوانه‌ی كه‌ توشی زۆرینه‌ی خه‌ڵكی ده‌بێت و له‌ هه‌ندێك كه‌سدا ده‌بێته‌ هۆی توشبوون به‌ هه‌وكردن و هه‌روه‌ها به‌ برینی گه‌ده‌.
توێژینه‌وه‌كان باس له‌وه‌ ده‌كه‌ن ئه‌و كه‌سانه‌ی توشی هه‌وكردنی گه‌ده‌ی درێژخایان و قورس بوون مه‌ترسی توشبوونیان به‌ شێرپه‌نجه‌ی گه‌ده‌ زیاتره‌ له‌ كه‌سانی ئاسایی, گه‌رچی ئه‌و ئه‌گه‌ری توشبوونه‌ هێشتا به‌ بچووك ئه‌ژمار ده‌كرێت.

3-خۆراك:  هه‌ندێك جۆری خۆراك مه‌ترسی توشبوون به‌ شێرپه‌نجه‌ی گه‌ده‌ زیاتر ده‌كه‌ن, له‌وانه‌ش: پیاز, ماسی سوێر, خوێ, به‌تایبه‌ت خۆراك و گۆشتی سوێرو به‌ دووكه‌ڵ ئاماده‌كراو و لێنراو, هه‌روه‌ها خۆراكه‌ چه‌وره‌كان و ئه‌وانه‌ی گۆشتی سوور له‌ پێكهاته‌یاندا هه‌یه‌.

4-ئه‌نجامدانی نه‌شته‌رگه‌ری گه‌ده‌: كه‌سانێك نه‌شته‌رگه‌ری گه‌ده‌یان بۆ ئه‌نجامدرابێت, به‌ تایبه‌ت نه‌شته‌رگه‌ری لابردنی به‌شێكی گه‌ده‌, ئه‌وا مه‌ترسی توشبوونیان به‌ شێرپه‌نجه‌ی گه‌ده‌ له‌ كه‌سانی  ئاسایی زیاتره‌.

5-زۆر به‌كارهێنانی ده‌رمانه‌كانی دژه‌هه‌وكردن كه‌ به‌ ئه‌نتی بایۆتیك ناسراون.

6-جگه‌ره‌كێشان

7-زۆر به‌كارهێنانی خواردنه‌وه‌ كحولییه‌كان.

ئه‌مانه‌ی ئاماژه‌یان پێدرا به‌ته‌نها هۆكاری سه‌ره‌كی نین بۆ توشبوون به‌ نه‌خۆشیه‌كه‌، به‌ڵكو مه‌ترسی توشبوون زیاد ده‌كه‌ن.
 
خاك - ئاژانسه‌كان

‌