رێكخراوی جەمال تاهیر فاوەندەیشن بە دروشمی (لاوان و گەنجان داهاتووی نیشتمانن) هەڵمەتی هۆشیاری و بەگژداچوونەوەی جگەرەو نێرگەلەى دەستپێكرد. لە چالاكییەكی یەك مانگیدا رێكخراوی جەمال تاهیر فاوەندەیشن بەرنامەیەكی چری بۆ پێشكەشكردنی وانە لەلایەن پزیشك و مامۆستایانی تایبەتەوە هەروەها دابەشكردنی 10 هەزار برۆشەرەوە، هەڵمەتی هۆشیاری و بەگژداچوونەوەی جگەرەو نێرگەلە دەستپێكرد. رێكخراوەكە ئاماژەی بەوە كردووە، پێگەیاندنی نەوەیەكی هۆشیارو تەندروست هۆكاری سەرەكی دابینكردن و مسۆگەركردنی داهاتووی كوردستانن، كە تیایدا ژینگە پارێزراوبێت و نەوەیەكی تەندروستمان هەبێت، بەمەش بارگرانی سەر كەرتی تەندروستی و نەخۆشخانەكانیش كەمدەبێتەوە، چونكە هەروەك زانراوە جگەرەو نێرگەلە یەكێكە لە هۆكارە سەرەكییەكانی نەخۆشخانەكانی سنگ و شێرپەنجەو چرچبوونی پێست و لاوازی سێكسی و هەڵتەكێنەری باری دارایی مرۆڤەكانیشە. چالاكییەكە بە بەشداری 5 هەزار خوێندكار لە هەردوو رەگەزی نێرو مێ ئەنجامدراوەو رۆژی 28-11-2019 كۆتا رۆژی ئەنجامدانی چالاكییەكانە. خاك - پوكمیدیا
created by Avesta Group and powered by Microsoft Azure