یه‌كێك له خواردنه سه‌ره‌كییه‌كانی رۆژئاوا به‌تایبه‌ت بۆ منداڵان بریتییه له خواردنی ئه‌ندۆمی. ئه‌م خواردنه‌ش پێكهاته‌یه‌كی مادده گه‌نمییه‌كانه‌و ماوه‌ی هه‌رسكردنی له‌ناو گه‌ده‌دا زۆر لاوازه، بۆیه زۆرجار پزیشكه‌كان باس له زیانی زۆری ئه‌م خواردنه ده‌كه‌ن و به مادده‌یه‌كی ترسناك ئه‌ژماری ده‌كه‌ن. له توێژینه‌وه‌یه‌كدا به‌وردی جۆرو پێكهاته‌و قه‌باره‌ی ئه‌ندۆمی روونكراوه‌ته‌وه، به شێوه‌یه‌ك كه كاریگه‌ری راسته‌وخۆی له‌سه‌ر لاوازبوونی ریخۆڵه‌كان هه‌یه‌و ناهێلێت به باشی كاری خۆیان ئه‌نجامبده‌ن، ئه‌مه جگه‌له‌وه‌ی زۆر خواردنی ده‌بێته هۆی سكچوون و رشانه‌وه. هه‌روه‌ها زۆر حاڵه‌تی نائاسایی له منداڵاندا روویداوه به‌تایبه‌ت له وڵاتانی چین و ئه‌رجه‌نتین، به‌وه‌ی كه زۆر خواردنی ئه‌م پێكهاته‌یه ده‌بێته له‌ناوبردنی خانه‌كانی مێشك و لاوازی ده‌ماره‌كانی خوێن، هه‌ربۆیه خواردنی ئه‌ندۆمی له زۆر وڵاتاندا قه‌ده‌غه‌كراوه. خاك - ئاژانسه‌كان
created by Avesta Group and powered by Microsoft Azure