ئاشکرایە پێشتر هەموومان واتێگەیشتووین کە پێستی مریشک زەرمەندە بۆ تەندروستی و دەبێتە هۆی بەرزکردنەوەی کۆلسترۆل و پەستانی خوێن و مەترسیدارە بۆ نەخۆشیەکانی دڵ. بەڵام توێژینەوەیەکی نوێ هەموو ئەم بیرۆکانەی ڕەتکردۆتەوە، پێویست ناکات کە پێستی مریشک لێبکرێتەوە پێش لێنان و خواردنی، چوونکە بەسوودە بۆ دڵ بەهۆی ئەوەی چەوری ناتێری تێدایە و کە ئەمەش بە چەوری دۆستی دڵ ناسراوە، و یارمەتی نزمکردنەوەی پەستانی خوێن و ئاستی کۆلسترۆلی خراپ دەدات و هۆرمۆنەکانیش ڕێکدەکاتەوە و ئۆمیگا ٣ و ٦ی تێدایە. سەبارەت بەوەی کە دەگوترا پێستی مریشک کالۆری زۆری تێدایە بەڵام لە ڕاستیدا جیاوازی نێوان مریشکێک بە بێ پێست و مریشکێک بە پێستەوە بە هەمان کێش تەنها ٥٠ کالۆری جیاوازیان هەیە. هەبوونی پێست گرنگە لە کاتی ئامادەکردن و لێنانی مریشکدا چوونکە رێگریدەکات لە چەوربوونی مریشکەکە و وەک بەربەستێک کاردەکات، بۆیە توێژەران داوادەکەن ئەگەر پێشتەکەش نەخورێت بەڵام لە کاتی ئامادەکردنیدا پێستەکەی دانەماڵدرێت لەبەر ئەم سوودەی ئاماژەی پێدرا. خاک – زاموا زاهیر س- stethnews
created by Avesta Group and powered by Microsoft Azure