لە یادی یوبێلی زێڕینی دامەزراندنی بزووتنەوەی (روانگە) ی ئەدەبیدا،بە چاودێری دكتۆر ئارام محەمەد قادر، وەزیری خوێندی باڵاو توێژینەوەی زانستی و بەسەر پەرشتی پ.ی. دكتۆر حەسەن ڕەزا سەرۆكی زانكۆی سلێمانی، زانكۆی سلێمانی كۆنفرانسێك بەدروشمی (بزووتنەوەی روانگەو كاریگەرییەكانی لە نوێكردنەوەی ئەدەبی كوردیدا)1970 -2020)، سازدەكات. دكتۆر ژینۆ عەبدولڵا لە لیژنەی ڕاگەیاندنی كۆنفرانس ڕایگەیاند، لە یادی یۆبیلی زێڕینی ڕاگەیاندنی بزوتنەوەی ڕوانگەدا، سەرۆکایەتیی زانکۆی سلێمانی و لیژنەی ڕۆشنبیریی کۆلێجی زمان، بە هاوکاریی کۆلێجی زمان، کۆنفرانسی زانستی-نێودەوڵەتی بە دروشمی "ڕوانگە، هەنگاوێک بەرەو نوێکردنەوە" ڕێکدەخەن بۆ دەستنیشانکردنی ڕۆڵ و کاریگەریی بزوتنەوەی ڕوانگە لە ئەدەبی نوێی کوردیدا و تیشکخستنەسەرهەوڵ و ماندووبوون و کاریگەریی ڕوانگەییەکان لە گۆڕەپانی ڕەخنە و ئەدەبی کوردیدا و كۆنفرانسەكە ماوەی دوو رۆژ دەخایەنێت، رۆژی یەكەم 20-4-2020 لە هۆڵی بۆنەكانی شارۆچكەی چوارتا، رۆژی دووەم 21-4-2020 لە زانكۆی سلێمانی لە كۆلێجی زمان، هۆڵی پرۆفیسۆر د. عیزەدین مستەفا رەسوڵ بەڕێوە دەچێت. دەربارەی ئامانجەكانی كۆنفرانسیش دكتۆر ژینۆ عەبدولڵا ئاماژەی بەوەكرد، دروستکردنی پردێکی پتەو لە نێوان زانکۆ و کۆمەڵی کوردی و کارلێک و ئاوێتەبوونی زیاتری زانکۆ و دەوروبەرە کۆمەڵایەتییەکەی هەروەها ناساندنی ئەو نووسەرە نوێخوازانەی تێز و بنەما کۆنەکانیان تێکشکاند و فۆڕم و بیر و هزری نوێیان خستە گۆڕەپانی ئەدەبی کوردییەوە،لە گەڵ ناساندن و ئاشنابوونی نەوەی نوێ بە داهێنانە نوێخوازانەکانی ڕوانگە. سەبارەت بەتەوەرەكانیش ئەو ئەندامەی لیژنەی ڕاگەیاندنی كۆنفراس باسی لەوەكرد، تەوەرەكان پێكهاتوون لە: -بزوتنەوەی ڕوانگە و کاریگەریی ئەدەبی نوێخوازانەی نەتەوەکانی تر-.بزوتنەوەی ڕوانگە و میکانیزمی نووسینی نوێ و هاوچەرخ- بزوتنەوەی ڕوانگە و زمانی شیعری-.خوێندنەوەی نیشانەناسی (سیمێۆتیکی) و زمانناسانی بۆ کارو بەرهەمە ئەدەبیەکانی ڕوانگە. سەبارەت بە مەرجەكانی توێژینەوەش دكتۆر ژینۆ عەبدولڵا باسی لەوەكرد، مەرجەكان وەك هەر كۆنفرانسێكی تری نێودەوڵەتی بریتی یەلە: 1.پێویستە توێژینەوەکە پێشتر لە هیچ گۆڤار یان کۆنفرانسێکدا بڵاونەکرابێتەوە یان پێشکەش نەکرابێت، یان مۆڵەتی بڵاوکردنەوەی لە هیچ گۆڤارێک وەرنەگرتبێت. 2.کورتەی توێژینەوەکە بە هەرسێ زمانی کوردی، عەرەبی، ئینگلیزی وەردەگیرێ و پێویستە لە (500) وشە زیاتر نەبێت. 3.پێویستە توێژینەوەکە لە (5000) وشە تێپەڕنەکات و توێژەر بە تەوەرەکانی کۆنفرانسەکەوە پابەندبێت. 4.پێویستە توێژینەوەکە بە فۆنتی قەبارە (14)نووسرابێت، بۆ ئینگلیزی خەتی (Times New Roman) و بۆ کوردی و عەرەبی خەتی ((Unicode بەکاربهێنرێت. 5.لە لاپەڕەی یەکەمدا ناوی سیانیی توێژەر و پلەی زانستی و ناوی زانکۆکەی و ئیمەیڵی فەرمی توێژەر بنووسرێت. لەگەڵ توێژینەوەکەدا پوختەی ژیاننامەی خۆیشی هاوپێچ بکات. شایەنی ئاماژە پێكردنە وادەی گرنگ ڕۆژی2020/02/ 30دوا ڕۆژ بۆ وەرگرتنی توێژینەوەکان بەتەواوی و بۆ پەیوەندی كردنیش بە كۆ نفرانسئیمەیڵی کۆنفرانس: [email protected] و [email protected]
created by Avesta Group and powered by Microsoft Azure