21/12/2019 10:50 PM

بنێشتێك دۆزرایه‌وه‌ ته‌مه‌نی 6000 ساڵه‌

له‌ دانیمارك بنێشتێك دۆزرایه‌وه‌ كه‌ شه‌ش هه‌زار ساڵ له‌مه‌وبه‌ر له‌ زاری‌ كچێكدا بووه‌‌و هه‌ر له‌ رێگه‌ی‌ بنێشته‌كه‌شه‌وه‌ ناسنامه‌ی‌ كچه‌كه‌ دۆزراوه‌ته‌وه‌، كه‌ له‌ چاخی‌ به‌ردینی‌ نوێدا ژیاوه‌.

زاناكانی‌ په‌یمانگای‌ گڵۆبی‌ سه‌ر به‌ زانكۆی‌ كۆپنهاگن، له‌ رێگه‌ی‌ جینیۆمی‌ جێماوی‌ كچه‌كه‌وه‌ كه‌ له‌ناو بنێشته‌كه‌دا دۆزراوه‌ته‌وه‌ توانیان شێوه‌ی‌ رووخساری‌ كچه‌كه‌ بدۆزنه‌وه‌‌و هونه‌رمه‌ندێكی‌ شێوه‌كاریش وێنه‌ی‌ كچه‌كه‌ی‌ كێشایه‌وه‌.

هانز شرۆده‌ر مامۆستا له‌ زانكۆی‌ كۆپنهاگن له‌وباره‌یه‌وه‌ ده‌ڵێت: له‌ رێگه‌ی‌ لیكی‌ ناو زاری‌ كچه‌كه‌وه‌ جینیۆمی‌ خودی‌ كچه‌كه‌‌و ده‌یان جۆر به‌كتریای‌ سوودبه‌خش‌و زیانبه‌خشیان دۆزیوه‌ته‌وه‌. جینیۆمی‌ جێماوه‌ی‌ ناو بنێشته‌كه‌ش پێمان ده‌ڵێت، ئه‌و كچه‌ گه‌نمڕه‌نگ‌و چاوكاڵ بووه‌، ئه‌و بنێشته‌ش كه‌ له‌ زاریدا بووه‌ له‌ داری‌ به‌تۆلا دروستكراوه‌. هه‌موو ئه‌و زانیاریانه‌ش كه‌ له‌و بنێشته‌وه‌ به‌ده‌ستهاتووه‌ له‌ گۆڤاری‌ (نه‌یچه‌ر كۆمۆنیوكه‌شنز)دا بڵاوكراوه‌ته‌وه‌.

خاك - سكای‌ نیوز




زۆرترین خوێندراوە



created by Avesta Group and powered by Microsoft Azure

Copyright © 2015 khaktv all rights reserved