ئەو کەسانەی وا رۆڵی قوربانی ئەگێڕن هەمیشە بەشێوەیەکی نیگەتیڤ بیر ئەکەنەوە و لایان وایه هۆکاری کێشەکانیان کەسانی ترن نەک خۆیان. ئەوان دڵنیان کە خۆیان هیچ رۆڵێکیان لەچارەسەریی کێشەکانیاندا نییە و هەربۆیە هەست بە زەبوونی و داماوی ئەکەن. لەوانەیە هەموو رۆژێک لەگەڵ مرۆڤێکی لەم چەشنە رووبەڕوو ببینەوە و خەمی بۆ بخۆین و بمانەوێ یارمەتی بدەین، بەڵام هەندێک جار بەبێ ئەوەی بزانین تووشی گیروگرفتمان ئەکەن. لەدرێژەدا باسی هەندێک لەتایبەتمەندییەکانی ئەم جۆرە کەسانە ئەکەین. هەمیشە بەداخەوەن بۆخۆیان دنیا بێ بەزەییە و ئەوانیش زۆر لەوە لاوازترن کە بتوانن بارودۆخەکە بگۆڕن. ئەوە هەمان شتە کە کەسانی خۆ بەقوربانی زان بیری لێ ئەکەنەوە و هەوڵ ئەدەن مێشکی کەسانی دیکەش بەم ئاراستەیەدا ببەن. ئەم کەسانه بەردەوام بەداخەوەن بۆخۆیان و حەز ئەکەن دەوروبەریانیش بەزەییان پێیاندا بێت. پێشکەوتنێی ئەوتۆیان نییە و لەیەک ئاستدا ئەمێننەوە ئەو کەسانەی خۆیان بە قوربانی ئەزانن لەوە دڵنیان کە هیچ کارێکیان بۆ ناکرێ، هەر بۆیه هیچ هەوڵێک بۆ پێشکەوتن لە ژیاندا نادەن. ئەوان لە قۆناغێکی دیاریکراودا ئەمێننەوە و هەموو رۆژێک سەدان پاساو بۆ ئەم دۆخەیان ئەهێننەوە. بەردەوام خۆیان لەگەڵ کەسانی دیکە هەڵئەسەنگێنن ئەم کەسانە بڕوابەخۆییان نییە و هەر بۆیە بەردەوام بیر لەوە ئەکەنەوە کە ئایا لە خەڵکی دیکە باشترن یان خراپتر. ئەم کەسانە بەگشتی بەشێوەیەکی نیگەتیڤ خۆیان لەگەڵ خەڵک هەڵئەسەنگێنن و ئەم هەڵسەنگاندنە تووشی خەمۆکیان ئەکات. بەخێرایی ئەیکەن بە شەڕ ئەم کەسانه بە هیچ شێوەیەک تەحەمولی تێبینی کەسانی دیکە سەبارەت بە خۆیان ناکەن و رەخنه و سووکایەتی لای ئەوان هاوواتان. ئەم کەسانە لایان وایه دەوروبەریان ئەیانەوێ ئازاریان بدەن هەر بۆیە بەردەوام ئامادەی شەڕ و تێکهەڵچوونن.
سەرچاوە: brightside خاک _ پشکۆ کامەران
created by Avesta Group and powered by Microsoft Azure