وەزارەتی تەندروستی عیراق ئاشكرای كردووە، پێنج ملیۆن دۆلاریان بۆ كڕینی ئامێری پێشكەوتووی بواری تەندروستی بۆ روبەڕووبونەوەی ڤایرۆسی كۆرۆنا تەرخانكردووە. ریاز عەبدولئەمیر بەڕێوبەری فەرمانگەی گشتی تەندروستی لە وەزارەتی تەندروستی عیراق رایگەیاندووە: لەلایەن وەزارەتی دارایی عیراقەوە بڕی پێنج ملیۆن دۆلار بۆ كڕینی ئامێری پێشكەوتووی بواری تەندروستی و بەتایبەت بۆ دەستنیشانكردنی ڤایرۆسی كۆرۆناو چۆنیەتی چارەسەری تەرخانكردووە. روونیشكردوەتەوە: بەو بڕە پارەیە بۆ تەواوی پارێزگاكانی عیراق خەرجدەكرێت و بەپێی ژمارەی دانیشتووان و بوونی توشبووی ڤایرۆسی كۆرۆنا دەبێت. خاك - ئاژانسەكان
created by Avesta Group and powered by Microsoft Azure