دابەزینی نرخی نەوت بۆتە هۆی دابەزینی لەنەکاوی نرخی دراوە دیجیتاڵەکان بە بڕی زیاتر لە 26 ملیار دۆلار. نرخی نەوت لەم دواییانەدا دابەزینێکی زۆر بەخۆی بینیوە و لەم نێوەندەدا زیاترین زیان بەر دیارترین دراوی دیجیتاڵی واتە "بیت کوین/ Bitcoin" کەوتووە. وڵاتی سعودیا زۆترین رۆڵی هەبووە لەدابەزینی نرخی نەوت و پاش ئەوەی لەدانیشتنەکەی ئەم دواییانەی رێکخراوی "ئۆپێک"ـدا دەنگی بە کەمکردنەوەی بەرهەمهێنانی نەوت نەدا، نرخی هەر بەرمیلێک نەوتی 30٪ دابەزاند و کردی بە 31/02 دۆلار، بۆ ئەوەی ئاڵۆزی و شەڕ لەسەر نرخی نەوت دروست بکات. جگه لە دراوە دیجیتاڵییەکان کە زۆترین زیانیان لەم بڕیارانه بینیوە، بازاڕی بوورسی هۆنگ کۆنگ و ژاپۆنیش لەگەڵ دابەزینی نرخی پشکەکانیان رووبەڕوو بوونەتەوە. بازاڕی بوورسی ئەمریکاش لەسەرەتای رۆژی دووشەمەدا دابەزینێکی زۆری بووە. هەڵبەت "بیت کوین/ Bitcoin" تەنها دراوی دیجیتاڵ نییە کە تووشی ئەم قەیرانە بووە، بەڵکوو Ethereum و XRPـیش لەم دۆخەدان. ئەم دابەزینی نرخە، ئەبێتە هۆی ئەوەی کڕین ئاسانتر بێت و لەئێستادا هەلێکی باش رەخساوە بۆ کڕینی بیت کوین. زۆرینەی شرۆڤەکارانی ئابووری لەسەر ئەو بڕوایەن کارەساتە مرۆیی و ئابوورییەکان ئەگەرچی زیانێکی زۆر بە بازاڕ ئەگەیەنێت بەڵام سەرمایەگوزاری لەبواری دراوە دیجیتاڵەکاندا هەمیشە ئەرێنییە و داهاتێکی باشی هەیە.
سەرچاوە: cnbc
created by Avesta Group and powered by Microsoft Azure