روونكردنەوەی تەندروستی هەڵەبجە لەبارەی حاڵەتی كۆرۆناوە

تەندروستی هەڵەبجە هەموو ئەو دەنگۆیانە رەتدەكاتەوە كە حاڵەتی ڤایرۆسی كۆرۆنا لە هەڵەبجە تۆماركرابێت.

راشیدەگەیەنێت: جێگەی داخە  هەواڵی ناڕاست و دوور لە سەرچاوەی ڕاست و دروست و بێبنەما بە ناوی حاڵەتی تۆماركراوی ڤایرۆسی كۆرۆنا بڵاودەكەنەوە.

بەڕێوەبەرایەتی تەندروستی پارێزگای هەڵەبجە ئەو دەنگۆیانە رەتدەكاتەوە كە حاڵەتی ڤایرۆسی كۆرۆنا تۆماركرابێت و هاووڵاتیان دڵنیا دەكاتەوە، لە روونكردنەوەكەشیدا دەشڵێت: جێگەی داخە هەندێ پەیج و ئەكاونت لە سۆشیال میدیا هەواڵی ناڕاست و دوور لە سەرچاوەی ڕاست و دروست و بێبنەما بە ناوی حاڵەتی تۆماركراوی ڤایرۆسی كۆرۆنا بڵاودەكەنەوە كە ئەمەش دوورە لە هەموو هەستێكی بەرپرسیارانە.

روونیشیكردوەتەوە: پێشتریش وەك بەڕێوبەرایەتی رامانگەیاندبوو هەرپەیج و ئەكاونتێك لە سۆشیال میدیا هەواڵی ناڕاست و بێبنەما بڵاوبكاتەوە روبەڕووی یاسا دەبێتەوەو رێكاری یاسایی دەگرینەبەر، لێرەوە بە سەرجەم هاووڵاتیانمان رادەگەیەنین تائێستا هیچ حاڵەتێكى توشبوون بە ڤایرۆسی كۆرۆنا لە هەڵەبجە تۆمار نەكراوە.

خاك