10/3/2020 08:54 PM

سه‌رۆكی چین كۆنتڕۆڵكردنی ڤایرۆسی كۆرۆنای له‌ وڵاته‌كه‌ی راگه‌یاند

سه‌رۆكی چین رایگه‌یاندووه، توانیویانه‌ یه‌كه‌مین سه‌ركه‌وتنی خۆیان له‌ سه‌قامگیركردنی ره‌وشی ته‌ندروستی له‌ وهان و ناوچه‌ی هۆبی به‌ده‌ستبهێنن و كۆنتڕۆڵی كۆرۆنا بكه‌ن.

شی جینج پینگ سه‌رۆكی چین له‌میانه‌ی سه‌ردانێكیدا بۆ شاری وهان كه‌ دانیشتووانه‌كه‌ی 11 ملیۆن كه‌س ده‌بێت و ناوه‌ندی بڵاوبوونه‌وه‌ی ڤایرسی كۆرۆنایه‌ بۆ چین و جیهانیش، رایگه‌یاندووه: به‌كردار توانیویانه‌ ڤایرۆسی كۆرۆنا كۆنتڕۆڵبكه‌ن.

ئاماژه‌ی به‌وه‌شكردووه، توانیویانه‌ یه‌كه‌مین سه‌ركه‌وتنی خۆیان له‌ سه‌قامگیركردنی ره‌وشی ته‌ندروستی له‌ وهان و ناوچه‌ی هۆبی به‌ده‌ستبهێنن.

هه‌مانكات چه‌ندین نه‌خۆشخانه‌ی شاری وهان كه‌ به‌ شێوه‌یه‌كی كاتی بۆ چاره‌سه‌ركردنی ڤایرۆسی كۆرۆنا كرابوونه‌وه‌، به‌هۆی كه‌مبوونه‌وه‌ی رێژه‌ی توشبووانی ئه‌و شاره‌ داخراون.

خاك - ئاژانسه‌كان




زۆرترین خوێندراوە



created by Avesta Group and powered by Microsoft Azure

Copyright © 2015 khaktv all rights reserved