پشکنین بۆ کارمەندانی خاڵی سنوری باشماخ کرا

پشکنین بۆ ١٥٥ کارمەندی خاڵی سنوری باشماخ دەکرێت و ئەنجامەکەی بۆ هاووڵاتیان رادەگەیەنرێت.

پاشئەوەی تیمێکی تایبەت بە پشکنینی ڤایرۆسی کۆرۆنا سەردانی خاڵی سنوری دەروازەی نێودەوڵەتی باشماخیان کرد بە مەبەستی پشکنین بۆ فەرمانبەران و کارمەندان و شۆفێران و حەماڵەکانی کە لەناو دەروازەکەدا لە ئەرک و خزمەتتدان و لەم بارودۆخی پەتای کوشندەی کۆرۆنا مەترسی لەسەر ژیانیان هەیە بەهۆی لەنزیکەوە بەرکەوتنیان لەگەڵ هاووڵاتیانی ئێرانی و ئەوانەشی کە لە ئێرانەوە دەگەڕێنەوە.

هەربۆیە وەک قۆناغی یەکەم تیمی ناوبراو هەستان بە پشکنینی ۱٥٥ کەس وەک سامپڵێک لەکۆی سەرجەم فەرمانبەرانی بەڕێوەبەرایەتی و بنکەو بەشەکانی کۆمەڵگەی دەروازەی نێودەوڵەتی باشماخ.

دوای دەرچوونی ئەنجامی پشکنینەکان دەرکەوت کە نێگەتیڤن، واتا هەڵگری ڤایرۆسەکە نین، هیچ یەکێک لەو کەسانە مەترسی توشبوونیان لەسەر نەبووەو ئەنجامەکان دڵخۆشکەرن.

خاك - پوكمیدیا