لەلایەن تیمەكانی وەزارەتی تەندروستیيەوە سێ نەخۆشخانەی ئەهلی بەهۆی پابەند نەبوونیان بە بڕیارێكی وەزارەتی تەندروستیيەوە لەسەر نرخەكانیان، سزادەدرێن. وەزارەتی تەندروستی لە راگەیەنراوێكیدا رایگەیاندووە: بە سەرپەرشتی د.سامان حسێن بەرزنجی وەزیری تەندروستی حكومەتی هەرێم، تیمەكانی پشكنین و بەدواداچوون سەر بە وەزارەتی تەندروستی لە بەردەوامی هەڵمەتەكانی گەران و پشكنینداو بەهۆی باپەند نەبوونیان بە ڕێنماییەكانی وەزارەتی تەندروستی و گرانكردنی نرخی سۆنار لە پارێزگای هەولێر، بەشی سۆنار لە نەخۆشخانەكانی (پاكی، CMC، دایك) داخران. روونیشكراوەتەوە: هاوكات تاقیگەیەكی ددانیش باپەند نەبووه بە ڕاگرتنی كارەكانی و داخراوه. ئاماژە بەوەشدراوە: لێژنەكانی پشكنین بەردەوامن لە گەران و داوا لە هاووڵاتیانیش دەكەن لەكاتی بینینی سەرپێچی و بابەند نەبوون بە ڕێنماییەكانەوە پەیوەندیمان پێوە بكەن. خاك
created by Avesta Group and powered by Microsoft Azure