ئەمرؤ پرۆسەكانی كوتان لە مەڵبەندە تەندروستيیەكانی سنوری گەرمیان دەستپێدەكات. بەپێی بڕیارێكی بەڕێوبەرایەتی گشتی تەندروستی گەرمیان، لە رۆژی چوارشەممە 1/4/2020ەوە لە مەڵبەندە تەندروستیيەكان بەشەكانی كوتانی مناڵان و ژنانی دووگیان دەكەنەوە، بە شێوەیەك كە لەم هەفتەیەدا سبەینێ و دووسبەی بەشەكان كراوە دەبن. هاوكات لە هەفتەی داهاتوەوە لە رۆژەكانی (یەكشەممە، دوشەممەو سێشەممە) ئەو بەشانە كراوە دەبن و هاووڵاتیان دەتوانن سەردانیان بكەن، بەو مەرجەی كارتی (دەفتەری) تایبەتی كوتانیان پێبێت. ئەو مەڵبەندە تەندروستیانەی كە كوتانی تێدا ئەنجامدەدرێت بریتین لە: 1.كەلار: مەڵبەندی تەندروستی شێروانە (ریعایەكە)، مەڵبەندی تەندروستی گوڵاڵە، مەڵبەندی تەندروستی باباگوڕگوڕ لە كەلاری كۆن. 2. كفری: مەڵبەندی تەندروستی سەرەكی كفری. 3. باوەنور: مەڵبەندی تەندروستی پێباز. 4. رزگاری: مەڵبەندی تەندروستی گەرمیان و مەڵبەندی تەندروستی شەهید د.قاسم. 5. مەیدان: مەڵبەندی تەندروستی مەیدان. ئەو رێنماییانەی پێویستە هاووڵاتیان رەچاوی بكەن: 1. قەرەباڵەغی دروستنەكەن و جگە لەو مناڵەی كە دەكوترێت مناڵی دیكە لەگەڵ خۆیاندا نەهێنن. 2. تەنها دایك یان باوك لەگەڵ مناڵەكەیدا دەچێتە ژوورەوە، پێویستە پابەندبن بە رێنماییە خۆپارێزیيەكان و دەمامك بپۆشن و دەستكێشیان لەدەستدا بێت. خاك
created by Avesta Group and powered by Microsoft Azure