31/3/2020 09:18 PM

به‌م خاڵانه‌ وابكه‌ هاوسه‌ره‌كه‌ت گرنگیت پێبدات

زۆربه‌ی خانمان به‌رده‌وام گفتوگۆ ده‌كه‌ن كه‌ له‌لایه‌ن هاوسه‌ره‌كانیانه‌وه‌ گرنگیان پێنادرێت، به‌هۆی ئه‌وه‌ی مێرده‌كانیان زیاتر كات له‌ ده‌ره‌وه‌ به‌سه‌رده‌به‌ن له‌گه‌ڵ هاوڕێكانیان، له‌م حاڵه‌ته‌دا چی بكه‌یت باشه‌ بۆ ئه‌وه‌ی مێرده‌كه‌ت گرنگیت پێبدات، هه‌وڵبده‌ ئه‌م رێنماییانه‌ جێبه‌جێ بكه‌ تا سه‌رنجی رابكێشیت.

1- ته‌نها له‌كاتی كێشه‌و ناخۆشیدا هانا بۆ مێرده‌كه‌ت مه‌به‌، هه‌وڵبده‌ به‌رده‌وام ئاگاداری بكه‌یته‌وه‌ كه‌ ژیانت به‌بێ ئه‌و ئاسان نییه‌، هه‌روه‌ها با بزانێت كه‌ چه‌ند دڵخۆشیت به‌ هاوكاری مێرده‌كه‌ت.

2- خۆت بێدڵ مه‌كه‌، ئه‌وه‌ی چاوه‌ڕێی مێرده‌كه‌ت ده‌كه‌یت بۆت بكڕێت وه‌ك دیاری پێشكه‌شت بكات، خۆت بۆ خۆتی بكه‌.

3- گرنگی به‌ رووخساری خۆت بده‌، سه‌ردانی ئارایشتگا بكه‌، جلوبه‌رگی جوان بۆ خۆت بكڕه‌، خۆت جوان بڕازێنه‌وه‌ تا بتوانیت سه‌رنجی مێرده‌كه‌ت رابكێشیت.

4- هه‌میشه‌ هه‌وڵبده‌ كه‌سێكی ساده‌و رووخۆش بیت، به‌رده‌وام قسه‌ی خۆش بۆ مێرده‌كه‌ت بكه‌و له‌گه‌ڵ ئه‌و پێبكه‌نه‌، به‌مشێوه‌یه‌ پیشانی بده‌ كه‌ تۆ ژنی ئه‌وی و هه‌م خۆشه‌ویستی ئه‌وی، تا مێرده‌كه‌ت حه‌زبكات زۆربه‌ی كاته‌كان له‌گه‌ڵ تۆ بباته‌سه‌ر.

خاك



created by Avesta Group and powered by Microsoft Azure

Copyright © 2015 khaktv all rights reserved