دوای بڵاوبوونەوەی کۆرۆنا خویندن راگیراو دوای ٥ مانگ خوێندن لە شاری ووهان لە چین دەستیپێکردەوە. ئاژانسەکانی چین رایانگەیاندووە، دوای ٥ مانگ لە راگرتنی پرۆسەی خوێندن و لە چوارچێوەی رێكارە تەندروستییەكان، خوێندن لە چەند خوێندنگایەكی شاری ووهان ناوەندی بڵاوبوونەوەی ڤایرۆسی كۆرۆنا، دەستیپێكردەوە. ئاماژە بەوەش کراوە، زیاتر لە ٦٧٠ خوێندكار لە ١٢١ خوێندنگای ئامادەیی و پیشەیی لە شاری ووهان گەڕانەوە بۆ خوێندنگاكانیان و بە پەیڕەوكردنی رێنمایيە تەندروستییەكان و پاراستنی مەودای دووری نێوانیان، یەكەم وانەی دوای ڤایرۆسی كۆرۆنایان پێوترایەوە. لە قۆناغی یەكەمیشدا بریاری كردنەوەی دەرگای خوێندنگاكانن لە ووهان تەنیا خوێندنگا ئامادەیی و پیشەییەكان دەگرێتەوەو هێشتا كاتی كردنەوەی خوێندگا سەرەتاییەكان دیارینەكراوە. چین و بەتایبەت شاری ووهان سەرچاوەی بڵاوبونەوەی ڤایرۆسی کۆرۆنایەو تائێستا لە چین ٨٢ هەزارو ٨٨٣ کەس توشی ڤایرۆسەکە بوون و ٤ هەزارو ٦٣٣ کەسیش گیانیان لەدەستداوە. خاك - ئاژانسەکان
created by Avesta Group and powered by Microsoft Azure