16/5/2020 10:10 PM

پارێزگاری سلێمانی: سه‌ردان و قه‌ره‌باڵغی له‌ جه‌ژندا رابگرن

پارێزگاری سلێمانی داوا ده‌كات، هاووڵاتیان پابه‌ندی رێنماییه‌كان بن و ئاماژه‌ به‌وه‌ش ده‌كات، هه‌موو جۆره‌ قه‌ره‌باڵغیيه‌ك له‌ جه‌ژنی ره‌مه‌زانی پیرۆزدا قه‌ده‌غه‌یه‌.

د.هه‌ڤاڵ ئه‌بوبه‌كر پارێزگاری سلێمانی له ‌كۆنگره‌یه‌كی رۆژنامه‌وانیدا رایگه‌یاند: هه‌ر شوێنێك پابه‌ند نه‌بێت به ‌ڕێنماییه‌كانی ته‌ندروستییه‌وه‌ داده‌خرێت، چونكه‌ ته‌ندروستی هاووڵاتیان له‌پێش هه‌موو شێتێكه‌وه‌یه‌ بۆ ئێمه‌.

وتیشی: ئه‌و حاڵه‌ته‌ نوێیانه‌ی كۆرۆنا كه‌ چه‌ند رۆژی رابردوو له ‌پارێزگای سلێمانی تۆماركران، به ‌حاڵه‌تێكی ئاسایی سه‌یریان ده‌كه‌ین و هه‌موو ئه‌و كه‌سانه‌شی له‌ ده‌ره‌وه‌ی هه‌رێمی كوردستان دێنه‌وه‌ كه‌ره‌نتینه‌ی ته‌واومان كردوون و جێی مه‌ترسی نین.

ئه‌وه‌شی خسته‌ڕوو: داوا ده‌كه‌ین له‌ جه‌ژندا سه‌ردانيكردن و قه‌ره‌باڵغی دروستكردن نه‌بێت، هه‌روه‌ها هاتنی گه‌شتیاریش رێگه‌ پێدراو نیه‌، له‌گه‌ڵ ئه‌وه‌شدا بزانین هه‌ر مزگه‌وتێك پایه‌ندی رێنماییه‌كانی ته‌ندروستی نابێت دایده‌خه‌ین.

خاك




زۆرترین خوێندراوە



created by Avesta Group and powered by Microsoft Azure

Copyright © 2015 khaktv all rights reserved