بێگەرد تاڵەبانی لە رۆژی جیهانی هەنگدا، پیرۆزبایی لە هەنگەوانان دەکات و دەڵێت پلانمانە بایەخ بەم کەرتە بدەین. بێگەرد تاڵەبانی وەزیری کشتوکاڵ و سەرچاوەکانی ئاو لە حکومەتی هەرێمی کوردستان لە راگەیەنراوێکدا لە رۆژی جیهانی هەنگدا وێڕای پیرۆزبایی لە هەنگەوانان، وتی: هەنگەوانان لای وەزارەتەکەی خۆیان (كشتوكاڵ و سەرچاوەكانی ئاو) بایەخی تایبەتیان پێدەدرێت. وتیشی: ساڵی رابردوو كاتێك بۆ یەكەمجار هاوردەكردنی هەنگوینمان قەدەغەكرد باس لە گرانبوونی نرخ کرا، هەنگاوەکەمان ناو و بەپێی هەلسەنگاندنیش قەدەغەکردنەکە سەرکەوتنی بەدەستهێنا. ئاماژەی بەوەشکرد، ساڵانە زیاتر لە 850 تۆن بەرهەمی هەنگوینمان هەیە كە بەپێی پشكنینی تاقیگەی لە چەندین پێشەنگای نێودەوڵەتی باشترین هەنگوینە. وەزیری کشتوکاڵ و سەرچاوەکانی ئاو لە درێژەی قسەکانیشیدا وتی: پلانی وەزارەتی كشتوكاڵ و سەرچاوەكانی ئاو بایەخدانە بەم كەرتە گرنگە، كە زیاتر لە 11 هەزار هەنگەوانمان هەیەو بژێوی ژیانیان لەسەر ئەم كەرتەیە. لە کۆتایشدا وتی: پیرۆزبێت 20ی ئایار رۆژی جیهانی هەنگ. خاك
created by Avesta Group and powered by Microsoft Azure