سەرۆکایەتی شارەوانی سیتەک رایدەگەیەنێت، بەهۆی پاکژکردنەوەوە بۆ ماوەی دوو رۆژ تونێلی پێشڕەو دادەخرێت، داواش لە شۆفێران دەکرێت بۆ هاتوچۆ رێگای ئەزمەڕ بەکاربهێنن. سەرۆکایەتی شارەوانی سیتەک لە راگەیەنراوێدا رایگەیاندووه: بەهۆی شۆردن و چاکسازیکردن لەناو تونێلی پێشڕەو بۆ ماوەی دوو رۆژ دادەخرێت و داواش لە شۆفێران دەکەین بۆ هاتوچۆکردن رێگای ئەزمەڕ بەکاربهێنن. ئاماژە بەوەش دراوە، ئەم هەڵمەتە بە هاوکاری بەڕێوەبەرایەتی ناحیەی سیتەک و شارەوانی سيتەک و بنکەی هاتوچۆی سیتەک و بنکەی بەرگری شارستانی سیتەک و شارەوانی چوارتاو شارەوانی گاپیڵۆن و فەرمانگەی کارەبای چوارتاو ڕێگاوبانی سلێمانی و کۆمپانیای ئۆرانۆس و لیوای یەکی سکرتاریەت دەبێت. خاك
created by Avesta Group and powered by Microsoft Azure