بەڕێوبەرایەتی شارەوانی هەولێر چەند رێنماییەك لەكاتی سەردانیكردنی هاووڵاتیان بڵاودەكاتەوەو داوای جێبەجێكردنی دەكات لە خودی هاووڵاتیان. شارەوانی هەولێر لە ئاگاداریيەكدا، ئاماژەی بەوە كردووە: لەکاتی سەردانیکردنیان بۆ سەرۆکایەتی شارەوانی هەولێر، پێویست دەکات ماسک و دەستکێش بەکاربهێنن. رووونیشكردوەتەوە: سەرجەم هاوولاتیان ئاگاداردەکەنەوە لەکاتی سەردانیکردنیان بۆ سەرۆکایەتی شارەوانی هەولێر و بەرێوەبەراتیەکانی سەر بە سەرۆکایەتی شارەوانی، دەبێت پابەندی رێنماییەکانی وەزارەتی تەندروستی بن، ئەویش بە بەستنی ماسک و دەستکێش. ئاماژەی بەوەش داوە: بەپێچەوانەوە هەرکەسێک سەرپێچی رێنماییەکان بکات بەپێی رێنمایی ژوری ئۆپەراسیۆنی پارێزگا رێگای چوونە ژورەوەی بۆ ناو بەرێوەبەراتییەکان پێنادرێت، پابەندی هاووڵاتیان بە رێنماییەکان نیشانەی ھەستکردنە بە بەرپرسیاریەتی. خاك - راگەیەنراو
created by Avesta Group and powered by Microsoft Azure