12/6/2020 09:48 PM

له به‌ریتانیا واده‌ی كردنه‌وه‌ی شوێنه‌ گشتییه‌كان راده‌گه‌یه‌نرێت

بۆریس جۆنسن سه‌رۆك وه‌زیرانی به‌ریتانیا له‌ لێدوانێكدا بۆ رۆژنامه‌نووسان رایگه‌یاندووه: دووشه‌ممه‌ سه‌رجه‌م فرۆشگاو دوكانه‌كان ده‌توانن ده‌رگاكانیان بكه‌نه‌وه‌، ئه‌وه‌ش دوای ئه‌وه‌ی 82 رۆژه‌ به‌هۆی بڵاوبوونه‌وه‌ ڤایرۆسی كۆرۆناوه‌ داخرابوون.

ئاماژه‌ی به‌وه‌شكردووه: له ‌ئێستادا ئاماره‌كانی توشبوون هێنده‌ كه‌مبوونه‌ته‌وه‌ كه‌ بتوانن رێگه‌بده‌ن خوێندكاران ده‌ستبكه‌نه‌وه‌ به‌ خوێندن و بگه‌ڕێنه‌وه‌ بۆ خوێندنگه‌كانیان. بۆ ئه‌و مه‌به‌سته‌ ده‌یانه‌وێت له‌ مانگی ئه‌یلولدا پرۆسه‌ی خوێندن ده‌ستپێكاته‌وه‌.

بۆریس جۆنسن روونیشیكرده‌وه‌: له‌ كۆتایی ئه‌م هه‌فته‌یه‌وه‌ رێگه‌ده‌درێت ناوه‌نده‌ ئایینیه‌كان بكرێنه‌وه‌، به‌ڵام پێویسته‌ له‌سه‌ر هه‌رتاكێك له‌م قۆناغه‌دا په‌به‌ندی ته‌واوی رێكاره‌كانی خۆپارێزی  و دووری كۆمه‌ڵایه‌تی تاكپارێزی ببێت.

خاك - ئاژانسه‌كان




زۆرترین خوێندراوە



created by Avesta Group and powered by Microsoft Azure

Copyright © 2015 khaktv all rights reserved