چۆن گوچیلەکانمان بپارێزین؟

گورچیلە، یەکێکە لە ئەندامە گرنگەکانی لەشی مرۆڤ، لەماوەی 24 کاتژمێردا 225 لیتر خوێن دەپاڵێوێت، کۆمەڵێک چالاکی گرنگ ئەنجام دەدەن لەجەستەى مرۆڤدا، لەوانە رێکخستنی هاوسەنگی ئاوى لەش، راگرتنی ترش و تفتی لە لەشدا، کردنە دەرەوەى پاشەڕۆ ژەهراوییەکان بۆ دەرەوەى لەش لەڕێگەى میزەوە، هەرکاتێک گورچیلە نەیتوانی ئەم کارانە بکات بۆ ماوەى زیاتر لە سێ مانگ بە واتای ئەوەدێت گورچیلەکان سستبونە و گرفتییان هەیە. لەدرێژەدا لەگەڵ چەند شێوازێک بۆ پاراستنی گورچیلەکانمان ئاشنا دەبین.

*بەردەوام چالاک بە و وەرزش بکە، مەترسی توشبون بە نەخۆشی درێژخایەنی گورچیلە کەمدەکاتەوە، رێگری دەکات توشبون بەنەخۆشی دڵ و بەرزبونەوەی پەستانی خوێن، کە هەردوکیان زیانیان بۆ گورچیلە هەیە.
*کۆنتڕۆڵی شەکری خوێنت بکە، چونکە کاتێک خانەکانی جەستەت ناتوانن گلوکۆز بەکاربهێنن لە خوێندا، گورچیلەکانت ناچاردەبن زیاتر کاربکەن، ئەمەش زیانیان پێدەگەیەنێت.
*رێگە مەدە پەستانی خوێنت بەرز بێتەوە، بەرزی پەستانی خوێن و کۆلیسترۆل زیان بە گورچیلەکان دەگەیەنن.
*شلەمی زیاتر بخۆرەوە، بۆئەوەی جەستەت بە شێداری بهێڵەرەوە.
*وریای کێشی جەستەت بە و سیستمی خۆراکی تەندروست پەیڕەو بکە، ئەو کەسانەی کێشی جەستەیان زۆرە زیاتر ئەگەری هەیە توشی نەخۆشی گورچیلە ببن.
*جگەرە مەکێشە، چونکە جگەرە زیاتر بە دەمارە خوێنیەکان دەگەیەنێت، رێگە نادات خوێنی پێویست بگات بە گورچیلەکان.
*وریای بەکارهێنانی حەبی ئازار شکێن بە، چونکە بەکارهێنانی بە رێژەیەکی زۆر زیان بە گورچیلە دەگەیەنێت.
*پشکنین ئەنجام بدە ئەگەر مەترسی توشبونت هەیە، بۆئەوەی بەردەوام لە تەندروستی گورچیلەکانت دڵنیاببیتەوە.

ئەو کەسانەی مەترسی توشبونیان هەیە:
- کەسانی سەرو 60 ساڵ.
- ئەو کەسانەی لەگەڵ لەدایکبونیان کێشی جەستەیان کەم بوە.
- ئەو کەسانەی ئەم نەخۆشیە لە خێزانەکەیان هەیە.
- ئەو کەسانەی بە خێزانی گرفتی بەرزی پەستانی خوێنیان هەیە.
- کەسانەی قەڵەو.
- ئەو کەسانەی هەست دەکەن نەخۆشی گورچیلەیان هەیە و ئازارییان هەیە.

 

سەرچاوە: healthline

خاک _ پشکۆ کامەران