شینبونەوەی دەست و قاچ بریتییە لە گۆڕانی رەنگی دەست و قاچ لە رەنگی ئاساییەوە بۆ شینباو. زۆر هۆکارهەن کە دەبنە هۆی دروستبونی ئەم حاڵەتە، لەدرێژەدا ئاماژە بە بەشێکیان دەکەین و هەندێک لە چارەسەرەکانیش دەخەینە روو هۆکارەکان: *هەبونی کێشە لە گەیشتنی ئۆکسجین بۆ جەستە. *مانەوە لە کەشی زۆر سارد. *هەبونی گرفت لەدڵ، یان توشبون بەنەخۆشی دڵ. *کەمی رێژەی ئۆکسجین لە خرۆکە سورەکانی خوێندا، یان کەمخوێنی. *گرفت لە سییەکان کە بەهۆیەوە بڕی پێویست لە ئۆکسجین نەگات بە جەستە. نیشانەکان: *بونی ئازار لە سنگدا. *هەناسەتەنگی و گرفتی هەناسەدان. *لە هەندێک کەسدا دەبێتە هۆی بورانەوە و لەهۆشچون. *ناو لەپی دەست و قۆڵەکان دەئاوسێن. *شەکەتی و ماندوێتی. چارەسەر: چارەسەر بە پێی هۆکارەکانی ئەم نەخۆشییە دەگۆڕێت، ئەگەر بەهۆی سەرمابونەوە روبدات دەتوانیت لە رێگەی مەساجکردن چارەسەریبکەیت، ئەگەر چارەسەرنەبو لەکاتی بونی نیشانەکان و هەستکردن بە شینبونەوەی پەلەکان پێویستە راستەخۆ پەیوەندی بە پزیشکەوە بکرێت و چارەسەر وەربگیرێت.
سەرچاوە: healthline
created by Avesta Group and powered by Microsoft Azure