بەڕێوەبەرایەتی گشتی چاودێری و گەشەپێدانی کۆمەڵایەتی سلێمانی بە مەبەستی خەڵاتکردنی خوێندکارە سەرکەوتووەکانی قۆناغی ١٢ی ئامادەیی و ٩ی بنەڕەتی ئەمساڵی خوێندن داوای ناو و زانیاری لە خوێندکاران دەکات. بەڕێوەبەرایەتی گشتی چاودێری و گەشەپێدانی کۆمەڵایەتی سلێمانی، ئاگاداری خوێندکارە سەرکەوتووەکانی هەردوو قۆناغی (١٢)ی ئامادەییو (٩)ی بنەڕەتی ئەمساڵی خوێندنى (٢٠٢٠) دەکاتەوە، ناو و زانیاری خۆیانمان بۆ بنێرن تا بەشداربن لە مەڕاسیمێکی شایستەی تایبەت بە خەڵاتو ڕێزلێنان بۆ خوێندکارانی سەرکەوتووی خاوەن پێداویستی تایبەت. مەرجەکانی بەشداربوو: ١ـ پێویستە خوێندکار دەرچووبێت لە پۆلی (١٢)ی ئامادەیی یان (٩)ی بنەڕەتیو هیچ وانەیەکی نەمابێتەوە. ٢ـ پێویستە بەشداربوو خاوەن پێداویستی تایبەت (کەمئەندام)بێت بەرێژەی ٥٠% و بەرەو سەرەوە. ٣ـ پێویستە بەشداربوو کۆی ڕێژەی نمرەکانی لە (٨٠%) کەمتر نەبێت. ڕێگاکانی پەیوەندی: خوێندکاری خۆشەویست دەتوانن تا (١ی ٩ی ٢٠٢٠) ناوی خۆیان، نمرەکانیان، بەڵگەی نمرەکانیان، ژمارە تەلەفونیان، بنێرن بۆ هۆبەی بەدواداچوون لە دیوانی بەڕێوەبەرایەتی گشتی لەم ڕێگەیانەوە: ١ـ پەیجی بەرێوەبەرایەتی گشتی لە تۆڕی کۆمەڵایەتی فەیس بووک، بەم ناونیشانە: socialsuli@، بە لینکی:https://www.facebook.com/socialsuli/?ref=bookmarks ٢ـ یان لە ڕێگەی ژمارە تەلەفوونی (053,3230954) پەیوەندیمان پێوە بکەن، لە سەعات (٩)ی بەیانی بۆ (١)ی پاشینیوەڕۆ، ڕۆژانی یەکشەممە تا چوارشەممە. خاك - ڕاگەیاندنی بەڕێوەبەرایەتی گشتی چاودێری و گەشەپێدانی کۆمەڵایەتی سلێمانی
created by Avesta Group and powered by Microsoft Azure