هاتوچۆی سلێمانی رایگەیاند، لە مانگی داهاتووەوە كامێرا جێگیرەكان دەكەونە كارو سەرپێچی شۆفێران تۆماردەكەن. دەشڵێت: رۆژانە 40 كامێرای گەڕۆك سەرپێچی شۆفێران تۆماردەكەن. عەمیدی مافپەڕوەر فەرەیدون عومەر بەڕێوەبەری هاتوچۆی پارێزگای سلێمانی رايگەیاندووه: لە مانگی داهاتووەوە كامێرا جێگیرەكانی تۆماركردنی سەرپێچی لەناو شاری سلێمانی دەكەونەكار. روونیشیكردوەتەوە: لەناو شاری سلێمانیدا 21 شوێن بۆ دانانی كامێرای جێگیر دیاریكراوە، هەربۆیە لە مانگی داهاتووەوە لەو شوێنانە كامێراكان دادەنرێن. بەڕێوەبەری هاتوچۆی سلێمانی ئاماژەی بەوەشداوە: 82 كامێرای گەڕۆكی تۆماركردنی سەرپێچی هاتوچۆیان هەیە، رۆژانە 40 لەو كامێرایانە لەناو سنوری پارێزگای سلێمانی بۆ تۆماركردنی سەرپێچییەكان دادەنرێن. خاك - ترافیك ئێف ئێم
created by Avesta Group and powered by Microsoft Azure