2/5/2016 09:44 AM

ڤیدیۆ.. روسیا به‌سه‌ركه‌وتوویی هه‌لیكۆپته‌ره‌ نوێیه‌كه‌ی تاقیكرده‌وه‌

كه‌ناڵی ره‌سمی روسیا له‌ڕاپۆرتێكی ڤیدیۆیی و شیكاریدا، به‌رهه‌مهێنانی هه‌لیكۆپته‌رێكی نوێی روسیای به‌ناوی (كا-62) راگه‌یاند.

هه‌لیكۆپته‌ره‌كه‌ له‌تاقیكردنه‌وه‌ ئاسمانییه‌كاندا سه‌ركه‌وتوو بوو، كاتێك یه‌كه‌مجار له‌فڕۆكه‌خانه‌وه‌ گه‌شتێكی به‌سه‌ركه‌وتوویی به‌سه‌ر شاری قازانی روسیادا ئه‌نجامدا.

هه‌ر له‌وباره‌یه‌وه‌ وته‌بێژێك به‌ناوی كۆمپانیای فڕۆكه‌وانی روسیا رایگه‌یاند كه‌ سیستمی پێدانی كاره‌بایی و پێوانه‌ سه‌ره‌كییه‌كانیش تاقیكراونه‌ته‌وه‌.

كا-62 جێگه‌ی هه‌ردوو هه‌لیكۆپته‌ری (می–8 و می17) ده‌گرێته‌وه‌، كه‌ پێشتر له‌كه‌رتی سه‌ربازی و مه‌ده‌نیدا به‌كارده‌هێنران.

هه‌لیكۆپته‌ری كا–62 به‌فڕۆكه‌یه‌كی ستونی مامناوه‌ند هه‌ژمارده‌كرێت و چه‌ندین كاری گرنگی پێ ئه‌نجامده‌درێت.

ئه‌م هه‌لیكۆپته‌ره‌ له‌مادده‌ی بولیمیریه‌ی تێكه‌ڵاو دروستكراوه‌و توانای هه‌ڵگرتنی 12-14 سه‌رنشینی هه‌یه‌، هاوكات توانای هه‌ڵگرتنی 2.5 ته‌ن له‌كه‌لوپه‌لی هه‌مه‌جۆری هه‌یه‌، كه‌ زیاتر له‌ده‌ره‌وه‌ پێوه‌ی ده‌به‌سترێت.

كا–62 ده‌توانرێت بۆ كوژانه‌وه‌ی ئاگرو كه‌رتی نه‌وت و غازو رزگاركردنی لێقه‌وماوانیش به‌كاربهێنرێت.

جێی باسه‌، ئه‌م هه‌لیكۆپته‌ره‌ له‌به‌شی پشته‌وه‌یدا یه‌ك په‌روانه‌ی هه‌یه‌ كه‌ %50 له‌مادده‌ی بولیمیریه‌ پێكدێت، هه‌روه‌ها یه‌كه‌م هه‌لیكۆپته‌ریشه‌ كه‌ بناغه‌ی سه‌ره‌كی له‌مادده‌ی بولیمیریه‌ دروستكرابێت.

بۆ بینینی ڤیدیۆكه‌ كلیك لێره‌ بكه‌


خاك – و/ گۆران قادر
س: روسیا الیوم




created by Avesta Group and powered by Microsoft Azure

Copyright © 2015 khaktv all rights reserved