25/6/2016 11:25 AM

ئینستاگرام خزمه‌تگوزاری وه‌رگێڕان زیاد ده‌كات

پێگه‌ی ئینستاگرام ده‌یه‌وێت له‌سه‌رانسه‌ری جیهاندا به‌شداربووانی زیاتر هۆگری تۆڕه‌كه‌ی بكات، بۆ ئه‌م مه‌به‌سته‌ش له‌مانگی داهاتووه‌وه‌ به‌شی وه‌رگێڕان بۆ پێگه‌كه‌ی زیاد ده‌كات.

له‌وباره‌یه‌وه‌ تۆڕی كۆمه‌لایه‌تی ئینستاگرام بۆ بڵاوكردنه‌وه‌ی وێنه‌كان رایده‌گه‌یه‌نێت: له‌داهاتوودا به‌شی وه‌رگێڕان له‌پاڵ پرۆفایلی به‌كارهێنه‌راندا بوونی ده‌بێت، هه‌روه‌ها ئاماژه‌ به‌وه‌ش ده‌دات كه‌ ئه‌م خزمه‌تگوزارییه‌ له‌مۆبایل و كۆمپیوته‌ره‌كانیشدا كارا ده‌بێت.

ئه‌پڵیكه‌یشنی ئینستاگرام كه‌ خاوه‌ندارییه‌كه‌ی ده‌گه‌ڕێته‌وه‌ بۆ فه‌یسبووك ده‌ڵێت: ئه‌م خزمه‌تگوزارییه‌ به‌ 23 زمانی جیاواز بوونی ده‌بێت له‌پرۆفایلی به‌كارهێنه‌راندا، هه‌روه‌ها ئاماژه‌ به‌وه‌ش ده‌كات كه‌ زمانه‌كانی فه‌ڕه‌نسی و ئیسپانی و چینی و ژاپۆنی و كۆری یه‌كێك ده‌بن له‌زمانی وه‌رگێڕانه‌كانی ئینستاگرام.

جێی باسه‌، هۆكاری كاراكردنی ئه‌م خزمه‌تگوزارییه‌ ده‌گه‌ڕێته‌وه‌ بۆئه‌وه‌ی كه‌ جیهان له‌گه‌شه‌ی به‌رده‌وامدایه‌، بۆیه‌ ده‌بێت له‌گه‌ڵ ئه‌م گه‌شه‌كردنه‌دا هاوته‌ریب تۆڕه‌كانیش بڕۆن.

خاك - گۆران قادر
س: sky news



created by Avesta Group and powered by Microsoft Azure

Copyright © 2015 khaktv all rights reserved