لەزیادكردنێكی ئاشكرادا كە لەنەمسا بەڕێوەچوو كامێرایەكی نیكۆن كە بەكۆنترین كامێرای كۆمپانیای نیكۆن دادەنرێت بەبڕی 406هەزار دۆلار فرۆشرا. مێژووی دروستكردنی ئەم كامێرایە دەگەڕێتەوە بۆ ساڵی 1948و لەزیادكردنەكەشدا زوومێكی زۆر باشی لەگەڵدا بووەو سێیەم كامێرا بووە كە ئەو كۆمپانیایە دروستیكردووەو لەسەریشی نووسراوە دروستكراوی وڵاتی ژاپۆنی داگیركراو. شایانی باسە هۆكاری نووسینی ژاپۆنی داگیركراو لەسەر كامێراكە بۆ ئەوە دەگەڕێتەوە كە ئەو وڵاتە دوای شكستهێنانی لەجەنگی دووەمی جیهانیدا ساڵی 1945 كەوتە ژێر دەسەڵاتی هێزی هاوپەیمانان، بەڵام ساڵی 1951 سەربەخۆیی خۆی وەرگرت.
ئاژانسەكان
created by Avesta Group and powered by Microsoft Azure