سه‌مونی شیرین به‌ قه‌یسی و سێو دروستبكه‌

كه‌ره‌سته‌كان:
1 سێوی شیرین
100 گرام قه‌یسی وشككراو
45 گرام باده‌م
450 گرام ئاردی سپی
2 كه‌وچكی چا دارچینی
50 گرام كه‌ره‌
250 میلیلیتر شه‌ربه‌تی سێو
2 كه‌وچكی چێشت ئاردی بۆر
4 كه‌وچكی چێشت شه‌كر

شێوازی ئاماده‌كردن:
1-توێكلی سێوه‌كه‌ پاكبكه‌و به‌ وردی بیجنه‌و ناوكه‌كه‌ی فڕێبده‌، هه‌روه‌ها قه‌یسییه‌كه‌ش وردبكه‌، باده‌مه‌كان به‌ ده‌ست وردبكه‌ یان به‌ عه‌ساره‌ بیانهاڕه‌.
2-ئێستا ئاردی سپی، دارچینی، سێو، قه‌یسی و باده‌مه‌كان هه‌موو پێكه‌وه‌ بخه‌ره‌ ناو قاپێكه‌وه‌و تێكه‌ڵیان بكه‌، نیوه‌ی كه‌ره‌كه‌ش تێكه‌ڵبكه‌.
3-له‌كاتی شێلانی هه‌ویره‌كه‌ به‌ره‌به‌ره‌ شه‌ربه‌تی سێوه‌كه‌ی تێبكه‌ تا هه‌ویره‌كه‌ نه‌رم ده‌بێت، پاشان هه‌ویره‌كه‌ دابپۆشه‌ بۆ ماوه‌ی 10 خوله‌ك.
4-ئێستاش ده‌ستت ئارداوی بكه‌و هه‌ویره‌كه‌ بكه‌ پارچه‌ پارچه‌و گونكی لێ دروستبكه‌، هه‌مووان بخه‌ره‌ سه‌ر كاغه‌زی كێك برژاندن له‌ناو سینی فڕنه‌كه‌داو به‌ پارچه‌یه‌كی پاك و ته‌ڕ دایپۆشه‌ بۆ ماوه‌ی 1 كاتژمێر له‌ شوێنێكی گه‌رم دایبنێ تا هه‌ویره‌كه‌ هه‌ڵدێت.
5-فڕنه‌كه‌ت له‌سه‌ر 220 پله‌ی سه‌دی گه‌رمبكه‌و بۆ ماوه‌ی 15 خوله‌ك سه‌مونه‌كان ببرژێنه‌.
6-له‌ كۆتایدا نیوه‌كه‌ی تری كه‌ره‌كه‌ له‌ناو تاوه‌یه‌كدا بتوێنه‌وه‌و به‌سه‌ر سه‌مونه‌كانیدا بكه‌ له‌گه‌ڵ شه‌كره‌كه‌.

خاك – س/ ئاها