به‌م خاڵانه‌ به‌رده‌وام به‌ له‌ دابه‌زاندنی كێش

بۆ ئه‌وه‌ی سه‌ركه‌وتن به‌ده‌ستبهێنیت له‌ دابه‌زاندنی كێشتدا ئه‌م خاڵانه‌ جێبه‌جێ بكه‌.

1- سه‌ره‌تا گرنگی به‌ هه‌نگاوی بچوك بده‌ بۆ ئه‌وه‌ی به‌ وردی هه‌وڵبده‌یت بگه‌یت به‌ ئه‌نجام.

2- گرنگی به‌ هه‌ڵبژاردنی به‌رنامه‌ی نانخواردن بده‌ له‌گه‌ڵ باری ته‌ندروستیت بگونجێت.

3- په‌یوه‌ندی به‌ پزیشكه‌وه‌ بكه‌ له‌باره‌ی دابه‌زاندنی كێش له‌ به‌راوردكردنه‌وه‌ی له‌گه‌ڵ باری ته‌ندروستیتدا، تا بزانیت دابه‌زاندنی چه‌ند كیلۆ سووی هه‌یه‌و زیانت پێناگه‌یه‌نێت.

4- به‌رده‌وام رۆژانه‌ ئه‌و خواردنانه‌ی ده‌یخۆیت بینووسه‌ره‌وه‌ بۆ ئه‌وه‌ی به‌ئاگابیت له‌وه‌ی چه‌ند كالۆری ده‌خۆیت، به‌ بۆچوونی پزیشكان پیاوان رۆژانه‌ تا 2500 كالۆری ده‌توانن بخۆن و ژنان 2000 كالۆری.

5- به‌رده‌وام گرنگی به‌ جوڵه‌كردن و وه‌رزشكردن بده‌.

6- ببه‌ به‌ ئه‌ندامی گروپێك كه‌ پێكه‌وه‌ هه‌وڵی دابه‌زاندنی كێش ده‌ده‌ن بۆ ئه‌وه‌ی هاوكاری یه‌كتر بكه‌ن.

7- گرنگی به‌ ده‌ستكه‌وته‌كان و سه‌ركه‌تنه‌كانت بده‌ تا زیاتر حه‌ز به‌وه‌ بكه‌یت بگه‌یت به‌ ئه‌نجام.

8- خۆت دوور رابگره‌ له‌ خواردنی قتو و دروستكراو به‌هۆی ئه‌وه‌ی كه‌ زیان به‌ ته‌ندروستیت ده‌گه‌یه‌نێت، زیاتر خواردنی سروشتی و دانه‌وێڵه‌ هه‌ڵبژێره‌.

خاك –  س/ ئاژانسه‌كان