ڕیزبەندی بڵاوتیرین زمانەکانی جیهان

زمان یەکێکە لە کۆڵەکە گرنگەکانی ژیانی مرۆڤ کە دانیشتوانی جیهان زمانی جیاواز بۆ لەیەك گەیشتن و بەڕێکردنی کاروباری ژیان بەکار دەهێنن .
بە نزیکەی ٢ هەزار زمانی جیاوان لە جیهاندا بونی هەیە کە هەندێکیش لە زمانەکان بەهۆی بەکارنەهێنانیانەوە لەناوچون.
لەگەڵ ئەوەشدا بەشێکی زمانەکان بڵاوترین جۆری زمان و لەلایەن میلۆنان هاوڵاتیەوە بەکاردەهێندرێن .

ڕیزبەندی ئەو زمانانەی وەك زمانی دایك لە جیهاندا بڵاون بریتین لە:

١- زمانی چینی:
زمانی چینی بڵاوترین زمانی گفتوگۆیە لە جیهان و لە چەند زمانێکی کۆن پێک دێت کە گرنگترینیان مەندرینە.
ژمارەی ئەو کەسانەی زمانی چینی بەکار دەهێنن ١،٢ ملیار کەسە لەو ڕێژەیەش ملیارێک کەس مەندرین بەکار دەهێنن بۆ ئاخاوتن.

٢- زمانی ئیسپانی:
ژمارەی ئەو کەسانەی زمانی ئیسپانی بەکاردەهێنن ٥٧٠ ملیۆن کەسە ، زمانی ئیسپانی زمانی وڵاتی ئیسپانیا و ناوەڕاست و باشوری ئەمریکایە.

٣-زمانی ئینگلزی:
زمانی ئینگلزی بە زمانێکی جیهانی دادەندرێت بەڵام لە ڕیزبەندی سێیەمی زمانە بڵاوەکانی جیهاندا دەێت بەو پێیەی ئەم زمانە لە لایەن ٣٦٠ ملیۆن کەسەوە وەک زمانی دایک بەکار دەهێندرێت ، لەگەڵ ئەوەشدا نیو ملیار کەس لە جیهاندا ئەم زمانە وەک زمانی ڕۆژانەیان بەکار دەهێنن .

٤- زمانی هندی :
ژمارەی ئەو کەسانەی زمانی هندی بەکار دەهێنن بریتین لە ٢٩٥ ملیۆن کەس، ئەم زمانە لە باکوری وڵاتی هندستان و بەشێکی بچوکی وڵاتی پاکستان بەکاردەهێندرێت.

٥- زمانی عەرەبی:
زمانی عەرەبی بەهۆی جیاوازی جوگرافیاو ڕۆشنبیریەوە لە چەند دیالێکتێکی جیاواز پێکدێت و لەلایەن ٢٨٠ ملیۆن کەسەوە بەکار دەهێندرێت.

٦- زمانی پرتوگالی:
ژمارەی بەکارهێنەرانی زمانی پرتوگالی ٢١٥ ملیۆن کەسە ، ئەم زمانە بەهۆی داگیرکەری پرتوگالەوە بڵاو بۆتەوە لەوانە لە وڵاتی بەڕازیل، چین و بەشێک لە هندستان.

٧- زمانی بەنگالی:
زمانی بەنگالی لە وڵاتی بەنگلادیش و بەشێکی ڕۆژئاوای هندستان بەکاردەهێندرێت ژمارەی بەکارهێنەرانی ئەم زمانە ١٩٠ ملیۆن کەسە.

٨- زمانی ڕوسی:
زمانی ڕوسی زمانی بڵاوی وڵاتی ڕوسیایە لەگەڵ سۆفیەتی کۆن، ئەم زمانە لەلایەن ١٤٥ ملیۆن کەسەوە بەکاردەهێندرێت.

٩- زمانی یابانی:
١٣٠ ملیۆن کەس زمانی یابانی بەکاردەهێنن ئەم زمانە لە ٢هەزار هێمایی جیاواز پێک دێت .

١٠- زمانی بنجابی:
ئەم زمانە لەلایەن ٨٨ ملیۆن کەسەوە بەکاردەهێندرێت لە ناوچەی بنجاب لە پاکستان و باکوری خۆرئاوای هندستان.


خاك- ژیمان
س/ هافینگتۆن پۆست