22/5/2017 08:48 AM

زه‌ڵاته‌ به‌ كونجی

زه‌ڵاته‌ به‌ كونجی له‌گه‌ڵ گه‌نمه‌شامی و بیبه‌ری شیرین و چه‌وه‌نه‌ر دروستبكه‌، ئه‌م كه‌ره‌ستانه‌ پێكه‌وه‌ زه‌ڵاته‌یه‌كی رازاوه‌ت پێده‌به‌خشێت.

كه‌ره‌سته‌كان:
200 گرام برنجی زه‌رد
2 كه‌وچكی چا كونجی
2 چه‌وه‌نه‌ری كوڵاو
1 بیبه‌ری سور
1 بیبه‌ری سه‌وز
1 كه‌وچكی چا سازی سۆیا
2 كه‌وچكی چا رۆنی كونجی
1 كه‌وچكی چا ئاوی لیمۆ
3 كه‌وچكی چا ماینۆز
150 گرام كاهوی سپی وردكراو
300 گرام گه‌نمه‌شامی

شێوازی ئاماده‌كردنی:
1-سه‌ره‌تا برنجه‌كه‌ بكوڵێنه‌و پاشان بۆ ماوه‌ی 10 خوله‌ك ساردی بكه‌ره‌وه‌.
2-تاوه‌یه‌ك له‌سه‌ر ئاگر دابنێ به‌بێ رۆن گه‌رمی بكه‌و بۆ ماوه‌ی 3 خوله‌ك كونجییه‌كه‌ ببرژێنه‌، دواتر له‌ناو قاپێكدا كونجییه‌كه‌ ساردبكه‌ره‌وه‌.
3-چه‌وه‌نه‌ره‌كه‌ له‌ رنه‌ بده‌، هه‌ردوو بیبه‌ره‌ سه‌وزو سوره‌كه‌ وردبكه‌، بیبه‌ره‌ سوره‌كه‌ له‌گه‌ڵ چه‌وه‌نه‌ره‌كه‌ تێكه‌ڵبكه‌، به‌ڵام بیبه‌ره‌ سه‌وزه‌كه‌ به‌جیا دابنێ.
4-ساز دروستبكه‌ به‌ سازی سۆیا. (رۆنی كونجی، ئاوی لیمۆو مایۆنیز) ئه‌مانه‌ تێكه‌ڵبكه‌و له‌گه‌ڵ كونجی برژاو و كاهو و برنجه‌كه‌، ئێستا بۆ تام كه‌مك خوێی به‌سه‌ردا بكه‌.
5-گه‌نمه‌شامی زه‌ردكراو ئاوه‌چۆڕ بكه‌، به‌دوای یه‌كدا برنجه‌كه‌و بیبه‌ری سه‌وزو گه‌نمه‌شامی و چه‌وه‌نه‌ره‌كه‌ له‌گه‌ڵ بیبه‌ره‌ سوره‌كه‌ دابه‌شبكه‌ له‌ناو شوشه‌یه‌كدا، له‌ كۆتاییدا بیخه‌ره‌ ناو سه‌لاجه‌وه‌ بۆ كاتی نانخواردن.

خاك –  س/ ئاژانسه‌كان




زۆرترین خوێندراوە



created by Avesta Group and powered by Microsoft Azure

Copyright © 2015 khaktv all rights reserved