فه‌یسبوك و مایكرۆسۆفت و FBI سنوور بۆ هێرشه ئه‌لیكترۆنیه‌كان داده‌نێن وه‌زاره‌تی ئاسایشی ناوخۆی ئه‌مریكا رایگه‌یاند: له‌گه‌ڵ نوێنه‌ری ده‌زگای لێكۆڵینه‌وه‌ی فیدراڵی ئه‌مریكاو هه‌ردوو كۆمپانیای فه‌یسبوك و مایكرۆسۆفت له‌باره‌ی دانانی سنوورێك بۆ هه‌ڕه‌شه ئه‌لیكترۆنیه ده‌ره‌كییه‌كان كۆبوونه‌ته‌وه. كریستۆڤه‌ر كریبس جێگری وه‌زیری ئاسایشی ناوخۆی ئه‌مریكا به رۆژنامه‌نووسانی راگه‌یاندووه: وه‌زاره‌ته‌كه به هه‌ماهه‌نگی له‌گه‌ڵ كۆمپانیای فه‌یسبوك و ماكرۆسۆفت كارده‌كات بۆ به‌ره‌نگاربوونه‌وه‌ی هێرشه ئه‌لیكترۆنیه‌كان و دزه‌پێكردنی زانیارییه هه‌واڵگریه‌كانی ئه‌مریكا. راشیگه‌یاند: ئه‌م كۆبوونه‌وه‌یه ئاسۆیه‌ك له به‌رده‌م هاوكاری كۆمپانیا ئه‌مریكییه‌كان و ده‌زگاكانی سه‌ر به حكومه‌تی ئه‌مریكا ده‌كاته‌وه، بۆ روبه‌ڕووبونه‌وه‌ی هێرشه ده‌ره‌كییه‌كان. خاك - ئاژانسه‌كان
created by Avesta Group and powered by Microsoft Azure