مەلە کردن لە مەلەوانگە گشتییەکاندا ئەتوانێ وەرزشێکی باش و ھاوکات یەکێک لە رابواردنه چێژبەخشەکان بێت لە وەرزی هاویندا. بەڵام کۆمەڵێک مەترسیشی هەیه کە ئەبێ لێی ئاگادار بین. لە ژێرەوە ئاماژە به هەندێک خاڵ ئەکەین کە بەر لە مەلە کردن و لە کاتی مەلە کردندا ئەبێ لەبەر چاوی بگرین. ١- بەر لە مەکە کردن حەمام بکەن: کاتێک لەشتان پاک نەبێ و حەزتان لە مەلە بێ و بڕۆنه ناو مەلەوانگەكەوە,سەرجەمی ئەو چڵک و عارەق و میکرۆبانەی به لەشتانەوەیه ئەڕواته ناو ئاوەکەوە و تەندروستی ئاوەکە لەناو ئەبات. ٢- گەر تووشی سک چوون بوون مەلە مەکەن: لە کاتی سک چووندا مرۆڤ ڕادەی میز و پیسایی کردنی بەرز ئەبێتەوە و کاتێک لەم حاڵەتەدا بڕواتە ناو مەلەوانگەكەوە ئەگەری ئەوە هەیه ڕێژەیەکی هەرچەن کەم لەم شتانه تێکەڵ به ئاوەکە بێت و ببێتە ھۆی ناپاکی و ئەمەش مەترسی ئەخاته سەر تەندروستی خۆتان و کەسانیتر. ٣- ئاوی ناو مەلەوانگەكەوە مەخۆنەوە: هەرگیز ئاوی مەلەوانگە قووت مەدەن. بەم کارە ئەگەری تووش بوون به نەخۆشییه جۆراوجۆرەکان دێته ئاراوە. ٤- گەر لەشتان برینی لەسەرە مەڕۆنه ناو مەسبەحەوە: هەندێک کەس به هەڵە لایان وایه کە خوێ و ماددە پاککەرەوەکانی ناو ئاوی مەلەوانگە بۆ چاک بوونەوەی برین سوودی هەیه. بەڵام ئەبێ ھۆشیار بن کە برینی کراوە و تازه درگایەکە بۆ دزه کردنی میکرۆبه جۆراوجۆرەکان.
created by Avesta Group and powered by Microsoft Azure