لە یەکەم ڕوانیندا، ڕوخساری ئەم ئۆتۆمبێلە هاوشێوەی ئۆتۆمبێلێکی سپۆرته. بەڵام کاتێک لێی ئەخوڕین، تێئەگەین ئەگەرچی لە ناو قەمەرەیەکی بەهێزدا دانیشتووین بەڵام ئارامییەکی تایبەتیشمان پێ ئەبەخشێت و دڵنیا ئەبین کە بۆ خێزان و گەشتەکانی دەروەی شار زۆر گونجاوە.
ئەم ئارامییه لەو کاتانەدا کە به خێرایی پێچەکانی ناو ڕێگا تێپەر ئەکەین به هیچ شێوەیەک ناشێوێت و سوککانی ئۆتۆمبێلەکە به باشترین شێوە مامەڵە لەگەل سایەقەکەدا ئەکات. دەنگی بزوێنەری پانامرا GTS ئەگەرچی ئەو توندوتیژییەی مێرسێدێس AMG E63ـی نییه بەڵام ناکرێ حاشا لە تواناییە سەرسورهێنەرەکەشی بکرێت. ئەم بزوێنەرە 8 سیلەندەرییه قەبارەکەی 4 لیتری تۆئین توربۆیه و ئەتوانێ 453 ئەسپەهێز وزه و 620 نیۆتۆن‌مەتر زەبر بەرهەم بهێنێت.
ئەم وزەیه لە لایەن کێسێ گێڕێکی 8 دانەیی ئۆتۆماتەوە هاوکات بۆ هەر چوار تایه 21 ئینچییەکەی ئەگوازرێتەوە. خێرایی ئەم ئۆتۆمبێلە لە ماوەی 4.1 چرکەدا ئەگاته 100 کیلۆمەتر لە کاتژمێرێکدا و ئەوپەڕی خێراییەکەی 291 کیلۆمەترە.
ڕادەی سووتاندنی سووتەمەنی لەم ئۆتۆمبێلەدا بۆ هەر 100 کیلۆمەتر 10.1 لیترە. پۆرش پانامرای GTS سەرەڕای ئەوەی پێرفۆرمانسێکی سپۆرت و بەهێز لە خۆی نیشان ئەدات بەڵام ماکە دەوڵەمەندانەی خۆی هەر پاراستووە و شەرمنییەکی تایبەت لە ڕواڵەتیدا ئەبیندرێت. نرخی ئەم ئۆتۆمبێلە 105,973 پاوندە.
created by Avesta Group and powered by Microsoft Azure