4/11/2019 12:11 PM

چەند رێکاری سادە بۆ لەناوبردنی ماسینی ژێر چاو

ماسینی ژێر چاو ئەگەر بەهۆی کەڵەکەبوونی  شلەمەنیەوە بێت، ئەتوانێ درەنجامی کۆمەڵێک هۆکار بێت بۆ نموونه نەگونجاوبوونی جۆری خۆراک و کەمخەوی و شتی لەم چەشنە. ماسینی ژێر چاو روخساری مرۆڤ ماندوو و هیلاک نیشان ئەدات و لەباری دەروونیەوە مرۆڤ ئازار ئەدات. لە درێژەدا لەگەڵ چەند رێکاری سادە و سرۆشتی بۆ لەناوبردنی ئەم کێشەیه ئاشنا ئەبین.

١-گۆڕینی جۆری خواردن
هەوڵ بدەن خواردنی خوێ و کحول سنووردار بکەن. ئەم دووانه ئەبنه هۆی کەڵەکەبوونی شلەمەنی زیادە لە لەشدا. خواردنەوەی ئاو و هەرووەها خواردنی گێزەر و تەماته ئەتوانێ شلەمەنیه ژەهراوییەکانی ناو جەستە لەناو ببات. مۆز و کەلەرم بەهۆی ئەوەی کە لە پێکاهاتەکەیاندا هەڵگری پۆتاسیۆمن ئەتوانن شلەمەنیه زیادەکان لەناو ببەن.

٢-کەوچکی سارد
لە ماوەی ڕۆژدا دوو کەوچک بخەنە ناو فرێزەری سەلاجەوە و کاتی خەوتن ئەم کەوچکە ساردانه بخەنە سەر چاوتان بۆ ئەوەی چاوتان فێنک ببێتەوە و ماسینەکەی لەناو بچێت.

٣-سپیێنەی هێلکە
سپیێنەی هێلکەیەک جوان لێک بدەن تا سپی ئەبێتەوە و پاشان بەفڵچەیەکی نەرم لە ژێر چاوتانی هەڵساون. ٥ یان ١٠ خولەک بوەستن پاشان به ئاوی گەرم بیشۆرنەوە، وریا بن نەچێته ناو چاوتانەوە.

٤-خەیار
ئسید ئاسکۆربیک و کافەئیک دوو ئاسیدی سروشتین کە ئەبنه هۆی کەمکردنەوەی ئەم شلەمەنیانەی کەوا لە لەشدا ماونەتەوە. خەیارێک بکەن بەدوو کوت و بەماوی ٢٥ خولەک لەسەر چاوتانی دابنێن. ئەگەر خەیارەکە سارد بێت کاریگەری زیاتر ئەبێت.

 

سەرچاوە: rd

خاک _ پشکۆ کامەران



created by Avesta Group and powered by Microsoft Azure

Copyright © 2015 khaktv all rights reserved