پێویسته‌ دایكان و باوكان ئه‌م خاڵانه‌ ده‌رباره‌ی كۆرپه‌كه‌تان بزانن

د.تیشك محه‌مه‌د سه‌لام پزیشكی كۆرپه‌و نه‌خۆشییه‌كانی منداڵان له‌ تۆڕی كۆمه‌ڵایه‌تی فه‌یسبوك بابه‌تێكی بڵاوكردووه‌ته‌وه‌ كه‌ تێیدا چه‌ند زانیاری و ڕێنماییه‌كی گرنگ ده‌داته‌ دایكان و باوكان سه‌باره‌ت به‌ كۆرپه‌كانیان.

زانیاری و ڕێنماییه‌كان:
*ئاسایی نییه‌ ئه‌گه‌ر له‌ یه‌كه‌م ڕۆژی دوای له‌دایكبوون زه‌ردوویی له‌ منداڵدا ده‌ربكه‌وێت.

*ئاساییه‌ ده‌ستبه‌جێ دوای له‌دایكبوون په‌نجه‌كان و به‌ری ده‌ست و قاچی منداڵه‌كه‌ت شین ببێته‌وه‌ (به‌ مه‌رجێك هه‌ناسه‌ی توند نه‌بێت)، به‌ڵام مه‌ترسیداره‌ ئه‌گه‌ر لێو و زمانیشی شین هه‌ڵگه‌ڕابن.

*ئه‌و دایكانه‌ی كه‌ ژانی منداڵبوونیان زۆره‌ ئاساییه‌ ئه‌گه‌ر سه‌ری منداڵه‌كه‌یان درێژكۆله‌ بێت و ته‌پڵه‌سه‌ریان شل و نه‌رم بێت (به‌هۆی كۆبوونه‌وه‌ی خوێنی ژێرپێستی سه‌ر)، ده‌ستی لێمه‌ده‌و خۆی چاكده‌بێته‌وه‌ – پاش دڵنیابوونه‌وه‌ له‌لایه‌ن پزیشكه‌وه‌-

*ئاسایی نییه‌و ڕێگه‌پێدراو نییه‌ منداڵ نه‌شۆرێت تا چله‌ی ئه‌چێت

*زۆر شتنی منداڵ په‌یوه‌ندی به‌ كه‌مبوونه‌وه‌ی زه‌ردووییه‌وه‌ نییه‌

خاك - ئا/ لانه‌ كاشان