وەزارەتی تەندروستی حکومەتی هەرێمی کوردستان لە راگەیەنراوێکدا رایگەیاندووە: هیچ حاڵەتێکی نەخۆشی ڤایرۆسی کۆڕۆنای نوێ (2019-nCoV) لە هەرێمی کوردستان بوونی نیەو تۆمارنەکراوە. ئاماژە بەوەش کراوە، بەداخەوە لە چەند پەیج و میدیایەک بەبێ هیچ سەرچاوەیەک و دوور لە ڕاستی و بەبێ هیچ بنەمایەک هەواڵی بوونی ئەم نەخۆشیەیان بڵاوکردۆتەوە، بۆیە هاووڵاتیانی خۆشەویست دڵنیا دەکەینەوە کە دامودەزگاکانی تەندروستی زۆر بەوردی و بە بەردەوام چاودێری ڕەوشی ئەم نەخۆشیيە دەکەن بە هەماهەنگی لەگەڵ لایەنە پەیوەندارە نێودەوڵەتيیەکان و ڕێککارە پێویستەکان دەگیرێتەبەر بۆ ڕێگەگرتن لەم نەخۆشیيە. هەروەها ڕایدەگەیەنن کەوا جگە لە وەزارەتی تەندروستی و ڕێکخراوی تەندروستی جیهانی WHO لەسەر ئاستی جیهاندا، هیچ لایەنێکی دیکە بە سەرچاوەی فەرمی بڵاوبوونەوەی ئەم هەواڵانە دانانرێت. خاك
created by Avesta Group and powered by Microsoft Azure