28/1/2020 01:51 PM

کەسایەتییەکان-لیندن بی جانسۆن

"لیندن بەینەز جانسۆن" کە هەندێک جار بەشێوەی کورت کراو بە "ل بی جی" ناو ئەبرێت، سیاسەتمەدارێکی "ئەمریکی" بوو وەکوو سی و شەشەمین سەرۆک کۆماری ئەم وڵاتە لە نێوان ساڵەکانی 1963 تا ساڵی 1969ـدا خزمەتی کرد. بەر لەوەی ببێتە سەرۆک کۆمار جێگری سەرۆک کۆماربوو لە ساڵەکانی 1961 تا ساڵی 1963 واتە پاش تێرۆر کرانی سەرۆک کۆمار "جێی ئێف کەنەدی" درێژەی بە ئیشەکەی ئەو دا. "جانسۆن" کە کەسایەتییەکی دیموکراتی ویلایەتی تەکساس بوو بەر لەمانە وەک نوێنەری  پەرلەمان و هەروەها وەک رێبەری زۆرینەی پەرلەمانی ویلایەتە یەکگرتوەکان رۆڵی بینی. "جانسۆن" یەکێکە لەو چوار کەسەی کە لە مێژووی حکومەتی "ئەمریکا"ـدا لە هەر چوار کورسی بژاردەی فێدراڵ‌دا خزمەتیان کردووە.
ئەو لە بنەماڵەیەکی گوندی لە "ستۆنڤیڵ"ـی سەر بە ویلایەتی تەکساس لەدایک بوو و مامۆستای قوتابخانە بوو و هەروەها وەک یارمەتیدەری کۆنگرێس لە ساڵی 1937ـدا ئیشی ئەکرد واتە بەر لەوەی بۆ نوێنەرایەتی ماڵی "ئەمریکا" هەڵبژێردرێت. "جانسۆن" لە هەڵبژاردنی سێنای ویلایەتە یەکگرتووەکان‌دا لە ویلایەتی "تەکساس"ـەوە لە ساڵی 1948ـدا  پاش ئەوەی پارتی دیمۆکرات سەر کەوت ناوزەد کرا و بە جیاوازییەکی کەمەوە سەرکەوت. ئەو بۆ رێبەری زۆرینەی "سێنا" هەڵبژێردرا لە ساڵی 1951ـدا. ئەو لە ساڵی 1953ـدا بووە رێبەری کەمینەی "سێنا" و لە ساڵی 1955ـدا بووە رێبەری زۆرینەی "سێنا"."جانسۆن" بەهۆی ئاکارە توونوتیژەکان و کەسایەتی یاساشکێن و داگیرکەری خۆی و هەروەها بە هۆی تەرکیز کردن و ناچار کردنی حکومەت بۆ پەسند کردنی یاسای نوێ ناوبانگی دەرکردووە.

 

سەرچاوە: artsandculture

خاک _ پشکۆ کامەران



created by Avesta Group and powered by Microsoft Azure

Copyright © 2015 khaktv all rights reserved