23/2/2020 09:47 PM

داوای داخستنی خوێندنگه‌كان ده‌كرێت

ئه‌ندامی ئه‌نجومه‌نی پارێزگای سلێمانی له‌ نووسراوێكیدا كه‌ له‌ تۆڕی كۆمه‌ڵایه‌تی خۆی له‌ فه‌یسبوك بڵاویكردووه‌ته‌وه‌، داوای داخستنی خوێندنگه‌كان ده‌كات و ئاماژه‌ بۆ ئه‌وه‌ش ده‌كات، داخستنی ده‌رگای خوێندنگه‌كان خۆپارێزیه‌كی گرنگ و ئاگربڕێكی كاریگه‌ر ده‌بێت بۆ ڤایرۆسی كۆرۆنا.

ده‌قی نووسراوه‌كه‌...

1/ ڤایرۆسی كۆرۆنا له‌نزیكمانه‌ ئه‌گه‌ر نه‌لێین له‌به‌ر ده‌رگامانه‌و ده‌نگی پێی دێ.

2/ داخستنی ده‌رگای خوێندنگاو قوتابخانه‌كان خۆپارێزیه‌كی گرنگ و ئاگربرێكی كاریگه‌ر ده‌بێت، به‌تایبه‌ت تاكه‌ شت كه‌ به‌ خه‌لك و حكومه‌تی ھه‌رێم ده‌كرێت خۆپاراستنه‌ ده‌نا توانای ئیداره‌و چاره‌سه‌ری له‌ ده‌سه‌لاتی چینی خاوه‌ن ئابووریه‌كی زه‌به‌لاحدا نییه‌ نه‌خوازه‌لا حكومه‌تێكی كه‌م ئیمكانیاتی وه‌ك لای خۆمان.

3/ منداڵ كه‌متر تێده‌گات له‌و ئه‌ركه‌ خۆپارێزیانه‌ی كه‌ بۆ روبه‌رووبونه‌ووی ڤایرۆسه‌كه‌ پێویسته‌، به‌تایبه‌ت كه‌ ده‌ستشۆر ته‌والێته‌كانی خوێندنگاكانمان وه‌ك پێویست نین و له‌ ھه‌ندێكیان پاككه‌ره‌وه‌و له‌ ھه‌ندێكیتریش ره‌نگه‌ ئاو نه‌بێت.

4/ خوانه‌خواست یه‌ك حاڵه‌تی نه‌خۆشیه‌كه‌ تۆمار بكرێت ئه‌وسا به‌ ناچاری و كاتێك له‌ كۆنترۆڵ ده‌رده‌چێت ده‌بێت ده‌وام رابگیرێت، جا ئێستاو بۆ سنورداركردن و به‌بێ قوربانی بۆ ده‌وام رانه‌گرین.

5/له‌ چین یا ولاتانی پێشكه‌وتوو راگرتنی ده‌وام زیانی ئابوری سه‌دان ملیۆن دۆلار ده‌دات به‌لام لای خۆمان به‌حوكمی لاوازی كه‌رتی بانكی و بازرگانی زیانێكی ئه‌وتۆی نابێت و ده‌كرێت له‌ كۆتایی سالی خوێندندا قه‌ره‌بوی ئه‌و 1یا 2 ھه‌فته‌یه‌ بكرێته‌وه‌.

6/ له‌به‌ر ئه‌م خالانه‌ی سه‌ره‌و ده‌كرێت سه‌ره‌تا بۆ ماوه‌ی ھه‌فته‌یه‌ك یان دوو ھه‌فته‌ ده‌وامی خوێندنگاكان رابگیرێت ئه‌وسا به‌رچاومان روونترده‌بێت و پله‌كانی گه‌رماش تا راده‌یه‌ك به‌رزده‌بنه‌وه‌.

رێكه‌وت زه‌كی
ئه‌ندامی ئه‌نجومه‌نی پارێزگای سلێمانی


خاك





زۆرترین خوێندراوە



created by Avesta Group and powered by Microsoft Azure

Copyright © 2015 khaktv all rights reserved