مرۆڤەکان كاتێك ته‌مه‌نی هه‌رزه‌كاری تێده‌پەڕ ئەکەن، بۆ پڕكردنه‌وه‌ی بۆشاییه سۆزداریه‌كانیان بەشوێن خۆشه‌ویستێكدا ئه‌گه‌ڕێن. ئەم قۆناغە لەژیانی مرۆڤدا گرنگییەکی زۆری هەیە و دەسکەوتەکانی جا چ باش بن و چ خراپ، کاریگەری راستەوخۆیان لەسەر داهاتوو هەیە. کەوابوو ئەبێ زۆر بە هۆشیارییەوە لەم قۆناغە بڕوانین. لەدرێژەدا لەگەڵ چەن خاڵ ئاشان ئەبین کە واباشە لەبەرچاوی بگرن بۆ ئەوەی تووشی زیانی دەروونی نەبن. 1-بەر لە هەموو شتێک تایبەتمەندییەکانی ئەو کەسەی وا حەز ئەکەی بێتە ناو ژیانتەوە دیاری بکە.
2-هەرگیز په‌له مه‌كه له‌هه‌ڵبژاردنی كه‌سێكدا بۆ خۆشه‌ویستی، چونكه دواتر توشی په‌شیمانی و بێ هیواییت ئه‌بیت.
3-ته‌مه‌نی هەرزەکاری تەرخان بکە بە خۆت و پەیوەندیی خۆشه‌ویستی هەڵگرە بۆ پاش تێپه‌ڕاندنی ته‌مه‌نی هه‌رزه‌كاری و گه‌وره‌بونی جه‌سته‌یی و عه‌قڵی.
4-به‌ر له هه‌موو شت له‌گه‌ڵ خۆتدا ڕاستگۆبه و به‌ر له‌وه‌ی بكه‌ویته داویی خۆشه‌ویستیه‌وه، بزانه ئه‌و بڕیاره‌ی ئه‌یده‌یت سه‌دا سه‌د به دڵی خۆته.
5-هەمیشە له‌كاتی بڕیاردان بۆ خۆشه‌ویستی، هەڵسەنگاندن بکە لەنێوان ئەوەی وا دڵت حەزی لێیەتی و ئەوەی وا عەقڵت پێداگری لەسەر ئەکات.
6-هەوڵ بدە سەرەتا جێگه و پێگەی خۆت لەناو ژیاندا بدۆزیتەوە و ئاراستەی هیوا و ئامانجەکانت دیاری بکەیت، ئینجا روو لەجیهانی خۆشەویستی بکە. هەرگیز بەهۆی خۆشەویستییەوە واز لە ئارەزووە سەرەکییەکانی خۆت مەهێنه.
خاک _ پشکۆ کامەران
created by Avesta Group and powered by Microsoft Azure