14/4/2020 10:38 PM

یونسكۆ: سلێمانی به‌ زمانی ئه‌ده‌ب و هونه‌ر به‌ره‌نگاری كۆرۆنا ده‌بێته‌وه‌

ساڵی 2019 رێكخراوی یۆنسكۆ شاری سلێمانی خسته‌ ناو تۆڕی ئه‌و شارانه‌ی جیهان كه‌ له‌رووی ئه‌ده‌ب و هونه‌ره‌وه‌ داهێنانیان كردووه‌و بۆته‌ ناوه‌ندێكی رۆشنبیری له‌سه‌ر ئاستی هه‌رێمه‌كه‌.

هه‌ر له‌و چوراچێوه‌یه‌شدا شاری سلێمانی سوودی له‌و پێگه‌یه‌ی خۆی وه‌رگرتووه‌ بۆ به‌ره‌نگاربونه‌وه‌ی ڤایرۆسی كۆرۆناو ده‌ستپێشخه‌رییه‌كی كردووه‌ به‌ ناونیشانی ئه‌ده‌ب و هونه‌ر باشترین هاوڕێ‌ و باشترین چاره‌سه‌ریشه‌، بۆ هاندانی خه‌ڵكی كه‌ له‌ ماڵه‌كانیاندا بمێننه‌وه‌ وه‌ك رێوشوێنێكی خۆپارێزی له‌ كۆرۆنا، ئه‌ویش به‌ پێدانی به‌رهه‌مه‌ ئه‌ده‌بیه‌كان به‌ نه‌خۆشانی كۆرۆنا تا له‌كاتی مانه‌وه‌یان له‌ ماڵه‌كانیان و له‌ نه‌خۆشخانه‌ بیكه‌نه‌ هاوڕێ و هاوده‌می خۆیان.

ئه‌و ده‌ستپێشخه‌رییه‌ ده‌نگدانه‌وه‌ی له‌ چه‌ندین شاری تری جیهانیش هه‌بووه‌، له‌وانه‌ شاری (دێربان) له‌ ئه‌فریقای باشورو شاری مڵبۆرن له‌ ئوسترالیاو ئۆلیانۆفسك له‌ روسیاو ئۆبیدۆس له‌ پورتوگال و ئۆدیسیا له‌ ئۆكراین و ئه‌وانیش ده‌ستپێشخه‌ری هاوشێوه‌یان كردووه‌.

هه‌ر له‌ چوارچێوه‌ی ئه‌و ده‌ستپێشخه‌ریه‌شدا كاره‌ ئه‌ده‌بیه‌كان له‌ گروپێكی ئۆنڵایندا كۆده‌كرێنه‌وه‌ به‌ ناونیشانی (بایه‌خدان به‌ كه‌سانی تر مافێكه‌ له‌ مافه‌كانی مرۆڤ) و له‌ڕێی ئینته‌رنێته‌وه‌ له‌نێوان ئه‌و شارانه‌دا ئاڵوگۆڕی پێده‌كرێت.

خاك - ئاژانسه‌كان




زۆرترین خوێندراوە



created by Avesta Group and powered by Microsoft Azure

Copyright © 2015 khaktv all rights reserved