نەعنا جۆرێکە له سەوزە کە دەوڵەمەندە بە چەندین ڤیتامین و سودی گرنگی هەیە بۆ تەندروستی، دەتوانیت هەفتەی دو بۆ سێ جار بە فرێشی یان بە کوڵاوی بیخۆیت بۆ ئەوەی جەستەت لە چەندین نەخۆشی پارێزراو بێت. لەدرێژەدا بەشێک لە تایبەتمەندییە دەرمانی و سوودە تەندروستییەکانی ئەم سەوزە بە نرخە ئەخەینە روو. _وەکو چارەسەر بەکاردەهێنرێت بۆ کەمکردنەوەی ئازاری قۆلۆن، جەستە ئارام دەکاتەوە. _تامی نەعنا دەردراوی لیکە رژێنەکان زیاد دەکات لە دەمدا، بەدهەرسی چارەسەر دەکات و یارمەتی هەرسکردنی خۆراک دەدات. _هەستیاری ریخۆڵە چارەسەر دەکات لە منداڵ و گەورەدا. _ئازار و ژانی گەدە کەمدەکاتەوە. _هەوکردنی دەم کەمدەکاتەوە بەکتریاکان لەناودەبات، دەم و ددان بەتەندروستی دەهێڵێتەوە. _بەهۆی ئەوەی دەوڵەمەندە بە پۆتاسیۆم، پەستانی خوێن هاوسەنگ دەکاتەوە. _وەکو چارەسەری بۆ خەمۆکی بەکاردەهێنرێت، بۆنەکەی یارمەتی ئارامکردنەوەی دەرون و جەستە دەدات، فشاری دەرونی کەمدەکاتەوە، هەروەها هۆڕمۆنی سیرۆتۆنین _لە جەستەدا زیاد دەکات کە بە هۆڕمۆنی دڵخۆشی ناسراوە. _دژی شێرپەنجە دەجەنگێت، بەتایبەتی شێرپەنجەی پێست، سی و پرۆستات. _کاریگەری بەهێزی هەیە لەسەر کەمکردنەوەی ئازار، بەتایبەتی ئازاری ماسولکەکان، سەرئێشە، ئازاری گەدە. _نەعنای فرێش چارەسەر دڵتێکەڵهاتن دەکات و نیشانەکانی کەمدەکاتەوە. _بەهۆی ئەوەی دەوڵەمەندە بە کالسیۆم، ڤیتامین C، D، E، کەمێک ڤیتامین B، سیستمی بەرگری جەستە بەهێزدەکات. _یارمەتی توانەوەی چەوری دەدات، کاریگەری هەیە لەسەر دابەزینی کێشی جەستە. _یادەوەری بەهێزدەکات و دژی بیرچونەوەیە، خانەکانی مێشک چالاک دەکات. _چارەسەری خێرای هەڵامەت و ئەنفلۆنزا دەکات، هەوکردنی قورگ و لوت و گەرو کەمدەکاتەوە.
خاک _ پشکۆ کامەران
created by Avesta Group and powered by Microsoft Azure