27/4/2020 08:47 PM

گه‌نجێك ده‌ستگیركرا كه‌ تۆڕه‌ كۆمه‌ڵایه‌تییه‌كانی به‌ نه‌شیاویی به‌كارهێناوه‌

بەڕێوەبەرایەتی بەرەنگاربوونەوەی توندوتیژی دژی ئافرەتان و خێزان – سلێمانی ڕایدەگەیەنێت: ئەو گەنجەیان دەستگیركردووە كە لە تۆڕە كۆمەڵایەتیەكان هەڕەشەی بڵاوكردنەوەی وێنەی كچانی كردبوو.

نووسینگەی ڕۆژئاوای بەڕێوەبەرایەتی بەرەنگاربوونەوەی توندوتیژی دژی ئافرەتان و خێزان – سلێمانی لە راگەیەنراوێكدا ئاشكرای كردووە: بە سەرپەرشتی ڕاستەوخۆی (مقدم شۆڕش علی رەسوڵ) بەرپرسی نوسینگەی ڕۆژئاواو بە فەرمانی دادوەر هەستان بە دەستگیركردنی تۆمەتبارێكی تۆڕە كۆمەڵایەتيیەكان.

روونیشكراوەتەوە: ئەو تۆمەتبارە هەستابوو بە گرتنی وێنەی نەشیاوی كچێك بە ناوی (ل.ئ) و داوای بڕێك پارەی لێ‌كردبوو، كە ئەگەر ئەو بڕە پارەی بۆ نەبات وێنەكان پیشانی باوكی دەدات.

ئاماژە بەوەش دراوە: دوای بەرنامەڕێژییەكی تۆكمە توانرا تۆمەتبار بە ناوی (ر.ر) دەستگیر بكرێت‌ و دەست بەسەر هەموو ئەو مۆبایل ‌و كەلوپەلانەدا بگیرێت كە تاوانەكەی پێ ئەنجام دابوو. هەر لە سەرەتای لێكۆڵینەوەكانيشدا ناوبراو دانی نا بە تاوانەكیدا، كە ئەنجامی دابوو.

خاك




created by Avesta Group and powered by Microsoft Azure

Copyright © 2015 khaktv all rights reserved