5/5/2020 09:26 AM

هەزار ئەشکەوت

هەزار ئەشکەوت ڕۆمانێکی عومەر مەولوودی یە. ئەم چاپە نوێیەی لە بڵاوکراوەکانی وەشانخانەی مادیارە. ڕۆمانی هەزار ئەشکەوت یەکێک لەو ڕۆمانه بەهێزانەی ئەدەبیاتی کوردییه که تا ڕادەیەک دەکەوێته خانەی ئەدەبی ڕیالیستی و لە ژێر کاریگەری حەمەدۆکی یاشار کەماڵ دایه. به پێی بیر و ڕای ڕەخنەگران، ڕووداوەکانی ئەم ڕۆمانه نیزیکایەتیان لەو ڕووداوانەی بەسەر حەمەدۆک دا هاتوون، هەیه؛ بەڵام بێ ئەوەی دووپاته کرابنەوه.
حەمه، قارەمانی سەرەکی ئەم ڕۆمانه، زۆر له حەمەدۆکی یاشار کەماڵ دەچێ و کەوێ له خەجیجه.
قارەمانەکانی ئەم کتێبه، قارەمانی خۆماڵین و بەشێک له ژیان و مێژووی کۆمەڵگای کوردەواریمان سەر لە نوێ بو دەنوێننەوه؛ بۆیه دەکرێ هەوڵەکانی نوسەر لەمەڕ نواندنەوی سەرلەنوێی قارەمانەکان و ڕووداوەکان وەک هەوڵێکی ئازادیخوازانەی نەتەوەیی و خەبات دژی زۆرداری چینایەتی باس بکرێن.
ئەم بەرهەمە لە بڵاوكراوەكانی وەشانخانەی مادیارە لە رۆژهەڵاتی كوردستان.
 facebook.com/MadyarPub




created by Avesta Group and powered by Microsoft Azure

Copyright © 2015 khaktv all rights reserved