گۆشتی سوور لە چ حاڵەتێکدا سوودی هەیە؟

گۆشت یەکێکە لەو خۆراکانەی دەوڵەمەندە بە پرۆتین، ڤیتامینB12 ، زینک، ئاسن و سەرجەم ئەم مەوادە گرنگن بۆ تەندروستیی مێشک، ماسولکە، جگەر و ئێسک. لەدرێژەدا بەشێک لە سوود و زیانەکانی گوشت ئەخەینە روو و باس لەوە دەکەین خواردنی گۆشت لە چ حاڵەتێکدا سوودبەخشە و زیانێکی کەمتر بە جەستە ئەگەیەنێت.

زیانەکانی:
*مەترسی توشبون بە شێرپەنجە زیاد دەکات بەتایبەتی شێرپەنجەی پرۆستات، گورچیلە و مەمک، ئەگەر بەباشی نەکوڵێندرێت مەترسی توشبون بە شێرپەنجەی قۆلۆن زیاد دەکات.
*گۆشتی ئامادەکراو وەکو هۆت دۆگ، سۆسج بەڕێژەی %42 مەترسی توشبون بە نەخۆشی دڵ زیاد دەکەن.
*گۆشتی و سور و گۆشتی ئامادەکراو دەبنە هۆی زیادبونی کێش و قەڵەوی، بەهۆی ئەوەی رێژەیەکی زۆر لە کالۆری تێدایە.

سودەکانی:
*مێتابۆلیزم چالاک دەکات بەهۆی ئەوەی دەوڵەمەندە بە پرۆتین.
*یارمەتی بەهێزمانەوەی ماسولکەکان دەدات، هەوکردن کەمدەکاتەوە.
*دەبێتە هۆی بەهێزبونی ئێسک و ددان.
*دەوڵەمەندە بە ئاسن و چارەسەری کەمی ئاسنی خوێن دەکات.

چۆن سود لە گۆشت ببینیت و کاریگەرییە خراپەکانی کەمبکەیتەوە؟
*گۆشتی فرێش بکڕە و دوربکەوە لە گۆشتی ئامادەکراو یان لەقوتونراو.
*زیادەڕەوی مەکە لە کوڵاندنی گۆشت، بەهەمان شێوەش بەنەکوڵاوی مەیخۆ.
*گۆشتی ئەو ئاژەڵە هەڵبژێرە کە لە کێڵگەیەکی بچوک گەورە بوە، چونکە ژینگەکەی لەبارترە و گۆشتەکەی سودبەخشترە.
*زیادەڕەوی لە خواردنی گۆشتدا مەکە، هەفتەی 2 بۆ 3 جار زیاتر مەیخۆ.

 

سەرچاوە: healthline

خاک _ پشکۆ کامەران