فەقرەقا (فەخرەقا) لە 15 کیلۆمیتری باکوری ڕۆژھەڵاتی مەھاباد و لە سەر رێی مەھاباد - میاندواو و لە باشووری شارەدێی ئیندرقاش لە ناوەراستی شاخێک ھەڵکەوتووە. "ئیشتاین" سەبارەت بە حەوشەی پێگەکانی سەر بەرزاییەکە دواوە و "کلایس" چەند پلانێکی لێ کێشاوەتەوە. لە ساڵی 1896 دا کە دێمۆرگان پلانێکی گشتی بە ھەموو وردە کارێکانی ناو ئەو گڵکۆیە و کۆڵەکەکانی لەگەڵ کۆپیەک لە دەست نووسەکەی "راولینسۆن" کە لەوان دواوە دەر کرد. "سی اف لێمان ھاپت" لە ساڵی 1898 دا ھاوکات لەگەڵ گەشتێکی لێکۆڵێنەرانەدا سەبارەت بە ئەرمەنییەکان، گڵکۆکەی بە رێکی پێوا. "ھێرتسفێڵد" بە پێی ئەو پلانانەی پێشوو ھێندێ پلانیتری داڕشت کە بە گشتی زۆر جێگای متمانەن و لە ھەموو لێکۆڵینەوەکانی دوایی لە سەر ئەو گڵکۆشاخە کەڵکی لێوەرگیراوە. فەقرەقا یەکێک لە شوێنە گەشتیارییەکانی مەهاباد و ناوچەی شاروێرانە و بە دەست پێڕاگەیشتنەکەشی زۆر ئاسانە.
خاک _ پشکۆ کامەران
created by Avesta Group and powered by Microsoft Azure